Lehienda biełaruskaha baleta sychodzić z pasady mastackaha kiraŭnika teatra, jakomu addaŭ bolš za paŭstahodździa svajho žyćcia.
Mastacki kiraŭnik Vialikaha teatra, znakamity chareohraf Valancin Jelizarjeŭ, raźvitaŭšysia z teatram, syšoŭ na zasłužany adpačynak, paviedamlaje aficyjny telehram-kanał Vialikaha teatra Biełarusi.
«Bolš za 50 hadoŭ słužeńnia teatru, mastactvu, scenie… ahoń sapraŭdnaj tvorčaści, jaki niasie ŭ sabie Valancin Mikałajevič, haryć ciapier u jaho vučniach, artystach, śpiektaklach. A značyć — u hledačach, u jakich luboŭ da baletaŭ Jelizarjeva, zdajecca, pieradajecca z pakaleńnia ŭ pakaleńnie», — havorycca ŭ paviedamleńni.
U 2023 hodzie ŭ Vialikim teatry prajšło ŭšanavańnie narodnaha artysta. Mierapryjemstva pryśviacili paŭviekavomu jubileju pracy Jelizarjeva na teatralnaj scenie.
U 1973 hodzie Jelizarjeva, 26-hadovaha vypusknika Leninhradskaj dziaržaŭnaj kansiervatoryi imia Rymskaha-Korsakava, zaprasili stać hałoŭnym baletmajstram Dziaržaŭnaha akademičnaha Vialikaha teatra opiery i baleta BSSR. Takim čynam jon słužyŭ teatru amal 51 hod.
Kamientary