Pamiatajecie školnika z «Salihorskaj hulni»? Ciapier jon ahituje za Rasiju, chvalić HUBAZiK i rekłamuje dzieciam kazino dy machlaroŭ
Baćka-niabožčyk Illi Levinsona — dziejač adnoj sa stalinisckich partyj, jaki jeździŭ u «DNR», kab «dapamahać stvarać vojska».
U śniežni 2023 hoda niechta stvaryŭ telehram-kanał «Salihorskaja hulnia» z pahrozami masavaha rasstrełu dziaciej u Salihorsku. Roznyja akaŭnty pačali raskidvać ich pa inšych supołkach, kab nahnać paniku. Akazałasia, što heta zvyčajny svatynh (publičnyja chłuślivyja pahrozy hramadstvu ad imia čałavieka, kab siłaviki zatrymali jaho ci narabili jamu niepryjemnaściaŭ), kab padstavić minskaha školnika pa mianušcy «Miefi».
Vyśvietliłasia, što «Miefi» — heta 15-hadovy minski školnik Illa Levinson, jaki i sam rabiŭ toje samaje — zajmaŭsia svatynham. Jon źmianiŭ nakirunak svajho kanała ŭ sakaviku 2024 hoda, užo paśla zatrymańnia.
Ciapier jahony kanał nazyvajecca «Bieły busieł», avatarka stała čyrvona-zialonaj, a ŭ kanale stała značna bolej publikacyjaŭ Z-nakiravanaści, a taksama repostaŭ HUBAZiKa.
Svajoj asoby jon nie chavaje i chvalicca «supracoŭnictvam ź miantami». Praŭda, minuły raz jon kazaŭ toje samaje, ale heta nie dapamahło.
A paralelna Illa rekłamuje dzieciam, jakija składajuć asnovu padpisantaŭ jahonaha kanała, sumniŭnyja prajekty — kazino, boty-«admaloŭščyki» (ich vykarystoŭvajuć machlary), boty dla deananimizacyi karystalnikaŭ i rečy takoha kštałtu.
«Miefi» abvinavačany pa č. 2 art. 340, «zahadzia łžyvaje paviedamleńnie ab niebiaśpiecy, ździejśnienaje hrupaj asobaŭ abo jakoje paciahnuła asabliva ciažkija nastupstvy». Jaho moža čakać pakarańnie da 5 hadoŭ chimii abo ad 3 da 7 hadoŭ kałonii. Data mahčymaha suda nieviadomaja.
Baćka Illi — Uładzimir Levinson. Jon pamior dva hady tamu, ale byŭ davoli viadomym čałaviekam. Uładzimir vajavaŭ u Afhanistanie, a na piensii ŭznačaliŭ biełaruskaje adździaleńnie rasijskaj partyi «Sajuz kamunistaŭ». Zhodna ź jaho niekrałoham, Levinson «zrabiŭ nieacenny ŭniosak u stvareńnie ŭzbrojenych siłaŭ Danbasa ŭ 2014-2017 hadach, dzie jon niekalki razoŭ byŭ jak vajskovy śpiecyjalist».
Siarod inšaj jaho aktyŭnaści — sproba abarony skviera na vulicy Mašerava ŭ 2014-m. Častku drevaŭ tady atrymałasia zachavać.
«Naša Niva» — bastyjon biełaruščyny
PADTRYMAĆCiapier čytajuć
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB1
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB
Dziaržkanały poŭniacca abvinavačvańniami na adras Ukrainy. Nivodzin dziaržkanał nie apublikavaŭ kamientary ŭkraincaŭ. Reakcyi Łukašenki dahetul niama2828
Dziaržkanały poŭniacca abvinavačvańniami na adras Ukrainy. Nivodzin dziaržkanał nie apublikavaŭ kamientary ŭkraincaŭ. Reakcyi Łukašenki dahetul niama28
Cichanoŭskaja pra ŭdar pa aŭtobusie ź biełaruskimi dziećmi: Nie ryzykujcie žyćciom — nie jedźcie ŭ Rasiju, jakaja viadzie złačynnuju i niespraviadlivuju vajnu2727
Kamientary