Machlary prydumali novuju schiemu: hrošy patrabujuć za razbłakavańnie telefona
U Biełarusi pašyrajecca novaja schiema padmanu ludziej. Złamyśniki błakujuć mabilny telefon i patrabujuć z čałavieka apłatu za jaho razbłakavańnie, raskazali ŭ HUUS Minharvykankama.
Pra novy vid machlarstva stała viadoma sa słoŭ žycharki Minska, u jakoj nieviadomyja patrabavali hrošy za razbłakavańnie jaje mabilnaha telefona.
Jak akazałasia, dziaŭčyna znajšła ŭ miesiendžary abjavu pra dadatkovy zarobak i adhuknułasia na jaje. A paśla taho akazałasia, što jana trapiła na vudu afierystaŭ.
U abjavie havaryłasia, što možna zarabić hrošy, spampoŭvajučy peŭnyja mabilnyja dadatki, testujučy ich i pišučy vodhuki. Dziaŭčynie takaja praca impanavała i jana vykanała ŭsie instrukcyi, paśla čaho jaje paprasili ŭvajści sa svajho telefona ŭ inšy ŭlikovy zapis i paŭtaryć nazvanyja dziejańni.
Minčanka ŭviała na svaim hadžecie dadzienyja joj łahin i parol, paśla čaho adbyłasia błakiroŭka pryłady. Kuratar, jakomu dziaŭčyna paviedamiła pra toje, što adbyłosia, zapatrabavaŭ pieravieści jamu hrošy za razbłakavańnie ŭ pamiery 200 dalaraŭ.
Paciarpiełaja, adnak, admoviłasia i źviarnułasia ŭ milicyju. Ciapier pa hetym fakcie viadziecca pravierka, raspačataja kryminalnaja sprava.
Ciapier čytajuć
«Vielmi dobra razumieju biełaruskuju movu. Navat nie dumaŭ». Źjaviłasia VIDEA razmovy biełaruskich palitviaźniaŭ ź Zialenskim12
«Vielmi dobra razumieju biełaruskuju movu. Navat nie dumaŭ». Źjaviłasia VIDEA razmovy biełaruskich palitviaźniaŭ ź Zialenskim
Babaryka i Kaleśnikava pahavaryli ź Inhaj Ruhinienie i zaklikali Litvu «dałučycca da dypłamatyčnych namahańniaŭ ZŠA» i «nie prapuścić akno mahčymaściej»3333
Kamientary