74-hadovaha piensijaniera z Chojnikaŭ asudzili za palityku i bojeprypasy
Śćviardžałasia, što Kirejčyk «abraziŭ» až 135 pasadavych asob: supracoŭnikaŭ KDB, prakuratury, milicyi, Śledčaha kamiteta, Minabarony i sudovaj sistemy.
Homielski abłasny sud u zakrytym režymie razhledzieŭ 4 červienia kryminalnuju spravu 74-hadovaha Anatola Kirejčyka. Jaho abvinavacili pa šerahu artykułaŭ: art. 188 KK («paklop»), art. 369 KK («abraza pradstaŭnika ŭłady»), art. 391 KK («abraza sudździ albo narodnaha zasiadaciela») i č. 2 art. 295 KK («niezakonnaje zachoŭvańnie bojeprypasaŭ»). Sudovy praces pačaŭsia 18 maja, rolu sudździ vykonvaŭ Jaŭhien Šaršnioŭ, piša «Viasna».
Pa danych śledstva, Anatol Kirejčyk z kastryčnika 2020 hoda pa luty 2022 hoda «sistematyčna raźmiaščaŭ kamientary pad fotazdymkami pradstaŭnikoŭ ułady, dzie, «nie saromiejučysia ŭ vyrazach, abražaŭ, publična prynižaŭ i hańbiŭ ich honar i hodnaść». Padčas pieratrusu ŭ jaho doma znajšli bojeprypasy. Piensijanier raskazaŭ śledčym, što kalekcyjanavaŭ ich.
Raniej śćviardžałasia, što Kirejčyk «abraziŭ» až 135 pasadavych asob: supracoŭnikaŭ KDB, prakuratury, milicyi, Śledčaha kamiteta, Minabarony i sudovaj sistemy i napisaŭ 1500 kamientaroŭ.
U vyniku sud pryznačyŭ try z pałovaj hady kałonii va ŭmovach uzmocnienaha režymu i štraf 100 bazavych (4000 rubloŭ).
Sudom taksama vyrašana pytańnie ab spahnańni z abvinavačanaha na karyść paciarpiełych maralnaj škody.
Hałyhina prymusili apraŭdvacca za zvarot da siłavikoŭ u 2020-m17
Hałyhina prymusili apraŭdvacca za zvarot da siłavikoŭ u 2020-m
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda11
Kamientary