«Pracuju ŭ banku, a pieršy raz baču». Biełarus atrymaŭ reštu ŭ kramie niezvyčajnaj manietaj
Biełarus apublikavaŭ u tyktoku videa, u jakim padzialiŭsia cikavaj znachodkaj: paśla pachodu ŭ kramu jamu dali reštu redkaj manietaj naminałam u 2 rubli.
Na videa mužčyna pakazvaje siarod zvykłych nam maniet takuju, jakuju vy, imavierna, nie bačyli — z vyjavaj Bresckaj krepaści.
«Hladzicie, praviarajcie reštu paśla kramy. Byvaje, što traplajucca zvyčajnyja «dvoječki», a byvajuć niezvyčajnyja «dvoječki», — kaža aŭtar videa.
«Pracuju ŭ banku, pieršy raz baču», — napisała pad videa adna z padpisantak.
«Ja šukaju takija z 2019 hoda, ni razu nie trapiłasia. Ich uvohule 6 vidaŭ sa słavutaściami kožnaj vobłaści, tyraž nakštałt 25 tysiač kožnaj byŭ. Vy — ščaśliŭčyk!» — dadaje jašče adzin karystalnik.
Mužčynie trapiłasia pamiatnaja manieta sieryi «Architekturnaja spadčyna Biełarusi», jakuju ŭviali ŭ abaračeńnie ŭ 2020 hodzie. Na sajcie Nacyjanalnaha banka Biełarusi skazana, što kamplekt uklučaje ŭ siabie 6 maniet:
«Čačerskaja ratuša»;
«Kaścioł bernardynaŭ. Budsłaŭ»;
«Barysahlebskaja carkva. Hrodna»;
«Kaścioł Jana Chryściciela. Kamai»;
«Kosaŭski pałac»;
«Budynak haradskoha teatra. Mahiloŭ».
Ciapier čytajuć
Vajar ź Biełaruskaha dobraachvotnickaha korpusa: Ja žyŭ u ružovaj burbałcy2
Kamientary