Hramadstva5656

«Toje, što ja ruskaja, było vidać adrazu». Turystka z Maskvy paskardziłasia, što jaje vyhnali z kaścioła ŭ Biełarusi

Žančyna zdymała videa padčas śviatoj Imšy, i joj zrabili zaŭvahu. U vyniku jana sama pryhraziła achoŭniku, što «dałožyć na jaho kudy treba», piša Katolik.life.

Turystka z Maskvy paskardziłasia, što jaje vyhnali z kaścioła ŭ Biełarusi

Maskvička Natalla padčas pajezdki ŭ Biełaruś, jaje tvar zablurany redakcyjaj Katolik.life

Žycharka Maskvy, piensijanierka Natalla raskazała ŭ sacsietkach pra svaje ŭražańni ad niadaŭniaj pajezdki ŭ Biełaruś. 5 červienia jana raspaŭsiudziła videa z adnaho z katalickich chramaŭ. Jak śćviardžaje turystka, jaje prymusili vyjści z kaścioła — za zdymki padčas śviatoj Imšy.

Pa ahulnapryniatych praviłach, turystam u chramach nielha rabić zdymki padčas słužby, ale možna heta rabić u pierapynkach pamiž Imšami.

Na videa, jakoje rasijanka zrabiła patajemna, bačny chram, u jakim idzie słužba, i čutnaja łajanka piensijanierki z mužčynam, jaki, miarkujučy pa ŭsim, patrabavaŭ pierastać zdymać.

«Ja nie zdymała ludziej, jakija malilisia, a nakiravała svoj mabilnik na kałonu budynka. Mnie padałosia dziŭnym, što ŭ krainie, dzie dziaržaŭnymi movami źjaŭlajucca ruskaja i biełaruskaja, propaviedź u kaściole viadziecca na polskaj movie. Ja chacieła zapisać niezrazumiełuju mnie polskuju pramovu ŭ jakaści dokazu hetaha», — patłumačyła svaje matyvy rasijskaja turystka.

Pavodle słoŭ žančyny, jaje «ŭ hrubaj formie vyhaniaŭ z kaścioła achoŭnik z polskim akcentam za toje, što byŭ uklučany na zapis mabilny telefon».

Žančyna ličyć, što «heta była ahresija na ruskuju turystku»:

«Toje, što ja ruskaja, było vidać adrazu. Mnohija ŭ kaściole malilisia na kaleniach, i ŭžo ŭsie — sa składzienymi malitoŭna rukami. Adna ja ŭ rukach trymała mabilnik, ale nie stajała za kanatami kala dźviarej (miesca dla turystaŭ), a «nachabna» dałučyłasia, choć i nie na piarednija łavy, ale da miascovych. Heta pačutaja mnoj fraza z abvinavačvańnia parafijanki-polki ŭ moj adras achoŭniku».

Turystka piša, što jana nie tolki nie pakinuła chram, ale i «sama stała šantažavać achoŭnika», što «dałožyć na jaho kudy treba»:

«Paśla taho jak da «dysputu» dałučyŭsia jašče adzin zły biełarus-parafijanin polskaha raźlivu, achoŭnik znoŭ pačaŭ patrabavać, kab ja pakinuła pamiaškańnie».

Zaviaršyłasia ŭsio tym, što da rasijanki padyšła «pažyłaja parafijanka — taksama polka pa pachodžańni, unučka niejkaha ksiandza»:

«Jana za mianie stała aktyŭna, ale miakka zastupacca, čym mocna mianie ździviła. Potym my vyjšli ź joj razam z kaścioła i bałbatali nie mienš za hadzinu. Vielmi mnie jaje škada, kali ščyra».

Katolik.life nie daje spasyłku na hetyja paviedamleńni, bo ŭ svaich apaviadańniach pra tur u Biełaruś rasijanka vykarystoŭvaje vyrazy, jakija možna paličyć abrazami i raspalvańniem varožaści.

U cełym turystcy, jakaja na svaich staronkach pazicyjanuje siabie jak prychilnicu «SVO», u Biełarusi spadabałasia. Ale, akramia kaścioła, niehatyŭna jana adhuknułasia taksama pra siłavikoŭ, jakija patrabavali, kab jana pakinuła hatel praz pravierku paviedamleńnia ab miniravańni.

Taksama jana zastałasia niezadavolenaja adnosinami z žycharami Biełarusi, bolšaść jakich, pavodle jaje słoŭ, «mocna niedalublivajuć» uładu.

Kamientary56

  • :?
    06.06.2024
    na fota hladžu... a što ŭ jaje z cyckami?
  • Chuč
    06.06.2024
    Padčas śv.Imšy nie pažadana rabić zdymki j videa ŭ lubym kaściole. Kali joj tak užo dyk treba było źviarnucca da taho achoŭnika. Dumaju, što nie admovili b. Ale tut vielmi padobna da pravakacyi. Takija byli padčas słužbaŭ u biełaruskich, litoŭskich, ukrainskich kaściełach i pratestanckich zborach.
  • Hańba
    06.06.2024
    Treba było śvinarnik naviedać. Adtul by nichto rasiejku nie vyhnaŭ.

Ciapier čytajuć

Biełaruska arhanizavała adpačynak dla dziaciej palitviaźniaŭ na Łazurnym bierazie. Jana raskazała, jak uciakała z krainy i jak jaje zatrymlivaŭ Interpał3

Biełaruska arhanizavała adpačynak dla dziaciej palitviaźniaŭ na Łazurnym bierazie. Jana raskazała, jak uciakała z krainy i jak jaje zatrymlivaŭ Interpał

Usie naviny →
Usie naviny

Były daradca prezidenta ZŠA: Tramp na pieramovach nie prajhraŭ, ale Pucin vidavočna pieramoh2

Telefanavańnie Trampa Łukašenku: što heta było?23

Biełaruska zhaniała ŭ Paryž bieź vizy — nie znajšła tam ni kruasanaŭ, ni ślimakoŭ. U kramie «Fantazija» tolki čabureki5

Tramp adkłaŭ na dva-try tydni ŭzmacnieńnie sankcyj suprać Rasii paśla pieramovaŭ z Pucinym33

Dla Ukrainy zastajecca niapeŭnaść3

Maładuju pradprymalnicu sa Słonima asudzili za ŭdzieł u pratestach5

Piać hadoŭ tamu adbyłasia samaja maštabnaja demanstracyja ŭ historyi Biełarusi18

Tramp pieradaŭ Pucinu list ad Miełanii pra ŭkrainskich dziaciej1

Intraviert, ekstraviert… atraviert? Psichijatr prapanuje novy typ asoby5

bolš čytanych navin
bolš łajkanych navin

Biełaruska arhanizavała adpačynak dla dziaciej palitviaźniaŭ na Łazurnym bierazie. Jana raskazała, jak uciakała z krainy i jak jaje zatrymlivaŭ Interpał3

Biełaruska arhanizavała adpačynak dla dziaciej palitviaźniaŭ na Łazurnym bierazie. Jana raskazała, jak uciakała z krainy i jak jaje zatrymlivaŭ Interpał

Hałoŭnaje
Usie naviny →

Zaŭvaha:

 

 

 

 

Zakryć Paviedamić