«Volva», «Tajota», «Mersedes». Kamientar pad paviedamleńniem pra «patryjatyčny aŭtaprabieh» sabraŭ redkasnuju kolkaść łajkaŭ
Z 7 pa 11 vieraśnia ŭ Biełarusi prachodziŭ respublikanski historyka-patryjatyčny aŭtaprabieh «Simvał adzinstva — 2024». Jak zajaŭlali arhanizatary, udzielniki ruchalisia «darohaj pamiaci — ad rubiažoŭ 1939 hoda da adzinaj, mocnaj Biełarusi» pa maršrucie Mikaševičy — ahraharadok Lenin — Stoŭbcy — Hłybokaje — Vierchniadźvinsk.
Karotkaje videa pra toje, jak kałona z 23 aŭtamabilaŭ pad čyrvona-zialonymi ściahami i ŭ supravadžeńni śpiecmašyn DAI zajazdžaje ŭ Hłybokaje, źjaviłasia ŭ sacsietcy Threads na praŭładnym kanale «Hłubokoje. Biez filtrov», jaki maje ŭsiaho 25 padpisčykaŭ. Za karotki čas publikacyja sabrała bolš za 125 tysiač prahladaŭ i sotni kamientaroŭ.
Prosta kałasalnuju kolkaść łajkaŭ atrymała iraničnaja zaŭvaha:
«Volva, Tajota, Leksus, Miersiedes, Šeŭrale, Folksvahien! Nu tak, sapraŭdy vielmi patryjatyčna…»
Hledačy masava źviartajuć uvahu ŭvahu na nieadpaviednaść dekłaravanych kaštoŭnaściaŭ i vybaru transpartu:
«Mašyny anijak nie dla patryjotaŭ»; «A dzie biełaruski aŭtapram? MTZ?»; «Pavinny być usie Geely!»;«A dzie ž narodnaja džyliii?».
«Adzinstva ź jeŭrapiejskim aŭtapramam», — kpić niechta.
«Hultai, vy b što-niebudź karysnaje zrabili», «Za našy hrošy padatkapłacielščykaŭ arhanizavany, vialiki dziakuj» — kpiać hledačy.
«I ŭsie ŭdzielniki, napeŭna, uziali adpačynki, kab paŭdzielničać u takoj padziei. Nie moža ž być tak, kab jany ŭ pracoŭny čas chiernioj zajmalisia…», — iranizuje adzin z čytačoŭ.
«Chutčej za ŭsio, jany jašče i kamandzirovačnyja atrymajuć…», — adkazvajuć jamu.
Karystalniki miarkujuć, što ŭ kałonie jeduć «čynoŭniki, mienty, rabotniki dziaržkantor i inšyja prykarytniki», bo, pavodle ich mierkavańnia, «nichto pry zdarovym rozumie ŭ takoj djabalščynie ŭdzielničać nie budzie».
Źviartajuć uvahu biełarusy i na azdableńnie aŭto, vykananaje ŭ parušeńnie isnujučych praviłaŭ, i na niepatrebnaje marnatraŭstva hrošaj:
«Nibyta pavodle zakonu RB nielha lapić nalepki na aŭtamabil, bo heta adciahvaje ŭvahu kiroŭcaŭ, i za heta praduhledžana administracyjnaje parušeńnie z nastupnym štrafam..?! A jak być z darmajedami, ci heta inšaje..?!
Pytańnie jašče ŭ inšym: chiba pakatuški pa viaskovych darohach papoŭniać dziaržaŭny biudžet i zrobiać respubliku macniejšaj, bahaciejšaj na suśvietnym uzroŭni..?!»
Biełarusam niezrazumieły i sens mierapryjemstva.
«Prosta cikava, chto spansuje dadzienaje mierapryjemstva i sens jaho? Pakazać, na jakich aŭto jeździać patryjoty?»;
«A navošta voś heta ŭsio? Stvarać ludziam pieraškodu dla prajezdu pa darohach? Lepš štości karysnaje zrabili b, kali takija patryjoty»; «Jość pytańnie — a navošta naohuł arhanizoŭvać hetyja aŭtaprabiehi? Jakim čynam heta palapšaje abstanoŭku ŭ rehijonie i ŭ krainie ŭ cełym? Navošta vykarystoŭvać dziaržaŭnyja simvały ŭ takim klučy???»;
«Simvał adzinstva z kim? Z čym? U čym sens? Što ŭ hetym patryjatyčnaha ci histaryčnaha? Heta vyhladaje jak minimum vartym žalu».
Niekatoryja kamientatary pasprabavali sfarmulavać ułasnyja adkazy na hetyja pytańni:
«Prabieh prystasavancaŭ, kab pakazać addanaść dyktataru»;
«Supravadžeńnie DAI, kuča siemjaŭ nabližanych, anturaž na aŭto za košt biudžetnych srodkaŭ (narodnych hrošaj), dy i sami aŭto, nie sumniavajusia, za hetyja ž «narodnyja» hrošy, usio heta ŭ pracoŭny čas — voś jak žyvuć «prykarytniki».
I ŭsio heta dziela «pryhožaj» karcinki, kab davieści ŭsim «źjechaŭšym» (bo «svaim» i tak zrazumieła) i niesiabroŭskim krainam, jak ža lubić biełaruski narod Łu. Kuča hrošaj — a vyniku «0» (navat, mahčyma, «-1»). Bahata žyvuć baryn i bajary».
«A ci razmaŭlaje choć adzin z hetych «patryjotaŭ» na svajoj rodnaj biełaruskaj movie? Dumaju nie. Za heta ž hrošy nie płaciać», — zaŭvažaje inšy čałaviek.
Niekatorym hledačam prajezd kałony ź simvolikaj nahadaŭ žałobnuju pracesiju.
Pry hetym siarod sotniaŭ kamientaroŭ pad videa nie znajšłosia nivodnaha vodhuku ŭ padtrymku mierapryjemstva.
Ciapier čytajuć
Brat biełaruskaj karalevy pryhažości trapiŭ u reanimacyju ŭ Azierbajdžanie4
Brat biełaruskaj karalevy pryhažości trapiŭ u reanimacyju ŭ Azierbajdžanie
Małady biełarus nie chacieŭ siadzieć u Rasii za narkotyki, tamu prydumaŭ, jak chutka vyjści z kałonii — i vyjšaŭ na ŭkrainskija pazicyi pad Pakroŭskam44
Kamientary