Nočču biełarusy stajali ŭ čerhach, kab nabyć u A1 techniku ź vialikaj źnižkaj. Ciapier joj zavaleny «Kufar»
U sacsietkach žartujuć, što ŭ kamplekcie z akcyjnymi hadžetami varta było pradavać i tabletki ad prahnaści. A niechta sprabuje padklučyć milicyju dy padatkovuju dla razborak.
U noč z 18 na 19 vieraśnia kampanija A1 abviaściła akcyju «Biassońnica»: u niekatorych ich kramach z 22.00 da 2.00 možna było nabyć techniku ź vielmi adčuvalnymi źnižkami.
Naprykład, telefon Samsung Galaxy S25 Fe možna było ŭziać na 1000 rubloŭ tańniej, čym zvyčajna. Noŭtbuk Huawei MateBook 2024 hoda na niekalki hadzin staŭ kaštavać na 800 rubloŭ mienš, robat-pyłasos Xiaomi Robot Vacuum 5 — na 300 rubloŭ.
Kaniešnie, achvotnych sekanomić znajšłosia nie mała. Na fota, zroblenych la kramy na praśpiekcie Niezaležnaści, bačna, što čarha raściahnułasia na dziasiatki mietraŭ. U Mahilovie karcina była takaja samaja.
Nie składana zdahadacca, što samym papularnym tavaram staŭ smartfon Samsung, jaki byŭ na źnižcy 50%. I mienavita hetym hadžetam ciapier zabity ŭvieś «Kufar». Ludzi ŭ roznych haradach Biełarusi pierapradajuć taki pa košcie ad 1390 da 1699 rubloŭ. U abviestkach, jakija źjavilisia siońnia z ranicy, ščyra paznačana: telefon byŭ nabyty ŭ A1.
Reahujuć na takoje biełarusy pa-roznamu. Niechta žartuje, što kampanii A1 u kamplekcie z akcyjnymi hadžetami varta było pradavać i tabletki ad prahnaści.
Inšyja ž śćviardžajuć: zvyčajnym ludziam nabyć dla siabie telefon było niemahčyma, bo pieršymi ŭ kramy zalatali pierakupy.
Adna ź biełarusak raspaviała ŭ Threads, što pieršyja 15 čałaviek, jakich zapuścili ŭ kramu, praviali tam hadzinu. Paśla ich nivodnaha akcyjnaha Samsung nie zastałosia.
«Asabista začapiłasia z mamaj adnaho z takich pierakupaŭ — jana pieršaja pačała najazdžać na ludziej, jakija aburalisia całkam spraviadliva. Jana zapeŭnivała, što telefony kupili dla siamji, kab imi karystacca, i vychvalałasia, što syn pravioŭ apłatu na 80 tysiač rubloŭ, heta značyć čałaviek zabraŭ u adny ruki kala 80 telefonaŭ. Karystacca, aha. I jon byŭ nie adzin».
Žančyna prosić kampaniju A1 u nastupny raz nie pradavać bolš 3‑4 adnolkavych madelej u adny ruki. Bo adna sprava, kali čałaviek nabyvaje šmat roznaj techniki na akcyi, i zusim inšaja, kali metanakiravana skuplaje niešta kankretnaje vialikaj partyjaj.
Hanna ź Minska raspaviadaje, što anałahičnaja situacyja adbyłasia i ŭ toj kramie, kudy pryjšła jana: «Pieršyja 10 čałaviek zapuścili i chvilin 35 nichto z kramy nie vychodziŭ, paśla čaho abviaścili, što Samsung Galaxy S25 zakončylisia. Pałova čarhi syšła». Jana prosić A1 paŭtaryć akcyju na hetuju madel smartfona.
Inšyja pakryŭdžanyja biełarusy nastrojeny bolš radykalna i prosiać padatkovuju dy milicyju źviarnuć uvahu na toje, jak ludzi sprabujuć zarabić na akcyi A1.
Na barachołkach pierapradajuć papularnyja čypsy Lay's. Nacenka ŭ dva razy
Biełarus pradaje za 30 tysiač rubloŭ paśviedčańnie palaŭničaha-rybaka, jakoje naležała Juryju Łužkovu
Žančyna šukaje praz «Kufar» žyvuju andatru. Navošta?
«Fanaty stajali ŭ čerhach jašče da adkryćcia restaranaŭ». Šalenstva ź birulkami fiej na sumki, jakija vypuściła piceryja
Ciapier čytajuć
Rasijanie sapraŭdy stali čaściej kuplać nieruchomaść u Biełarusi? Voś što raskazvajuć ryełtary14
Rasijanie sapraŭdy stali čaściej kuplać nieruchomaść u Biełarusi? Voś što raskazvajuć ryełtary
Basist «Piatli», jaho 18‑hadovy syn i zorka «Raźbitaha serca pacana» — raskazvajem pra biełaruskamoŭny hurt Prypiać, jaki prezientavaŭ aŭtarskuju «Kałychanku»1111
Basist «Piatli», jaho 18‑hadovy syn i zorka «Raźbitaha serca pacana» — raskazvajem pra biełaruskamoŭny hurt Prypiać, jaki prezientavaŭ aŭtarskuju «Kałychanku»11
Niebaraka ź Lachavičaŭ źnik «na SVA» ŭžo na treci dzień, a ŭ baraćbie za hrabavyja sčapilisia siastra, sužycielka i žonka — z čatyrma dziećmi, ale čužymi88
Kamientary
Pasłuchaješ łukašystaŭ, dyk usio biełarusy bahatyja bolš za jeŭrapiejcaŭ, ale čamuści sotni ludziej nočču stajać u čarzie kab nabyć prašłahodni tielefon tańniej na 800 złotych. Brydka i niepryjemna, zusim užo honaru nie zastałosia.