Z-za pamyłki štučnaha intelektu ZŠA ledź nie pačali vajennuju apieracyju suprać kitajskaha sudna
U dakładzie, padrychtavanym z dapamohaj ŠI, śćviardžałasia, što karabiel pieravozić kampanienty dla jadziernaj zbroi.
Viasnoj, padčas vajny ź Iranam, pa armii ZŠA razyšoŭsia raźviedvalny dakład: kitajski karabiel u rajonie Blizkaha Uschodu nibyta viazie kampanienty jadziernaj zbroi. Vajennyja pačali rychtavać pierachop sudna. Byli ŭ pavietry samaloty, a ŭzbrojenyja hrupy hatavalisia da abardažu.
Pierad samaj apieracyjaj vyśvietliłasia, što dakład skłaŭ analityk Kamandy śpiecyjalnych apieracyj ZŠA ŭ Cichaakijanskim rehijonie z dapamohaj štučnaha intelektu i čat-bot pamyłkova vyznačyŭ hruz, paviedamlaje CNN. Jaki mienavita hruz byŭ pamyłkova nazvany, nieviadoma.
Apieracyja suprać kitajskaha karabla ryzykavała pieraraści ŭ kanflikt pamiž dźviuma dziaržavami. Nieviadoma, byŭ heta kamiercyjny ŠI-čat-bot ci ŭradavy pradukt. Bot złučyŭ adkrytyja danyja z sakretnaj sihnalnaj raźviedkaj, a analityk zatym aformiŭ vysnovy ŭ standartny raźviedvalny dakład, znoŭ z dapamohaj ŠI. Pamyłku zaŭvažyli bolš daśviedčanyja kalehi, jakija pierapravieryli danyja.
Pientahon ciapier imkniecca ŭkaranić ŠI amal usiudy: ad analizu raźvieddanych i vybaru celaŭ da biudžetu i łahistyki. U studzieni ministr vajny Pit Chiehset pradstaviŭ «Stratehiju paskareńnia ŠI» — meta ŭ tym, kab nie adstać ad Kitaja i inšych praciŭnikaŭ.
Pa słovach adnoj z krynic CNN, padobnyja «halucynacyi» zdaralisia ŭ raźviedcy i raniej.
Analityki, asabliva maładyja, pryvykli da hetych instrumientaŭ i bolš schilnyja daviarać im biez krytyki. Cisk rabić usio chutčej pavialičvaje ryzyku pamyłak.
Ciapier čytajuć
U Minsku masažyst Andrej tajemna zdymaŭ hołych klijentak27
Kamientary