Siaredniaj škole № 7 u Navahrudku prysvoili imia viadomaha biełaruskaha mastaka Jazepa Drazdoviča. Uračystaje mierapryjemstva z hetaj nahody adbyłosia 17 vieraśnia, piša miascovaja rajonka «Novaje žyćcio».
Jak raskazała dyrektarka škoły Alena Kazak, damahčysia prysvajeńnia navučalnaj ustanovie imia mastaka było niaprosta. Pakolki ŭ Jazepa Drazdoviča nie było dziaciej, znajści jaho naščadkaŭ akazałasia składana, a bieź ich zhody prysvojvać imiony abjektam nibyta nielha.
Supracoŭniki Mastacka-etnahrafičnaha muzieja imia Drazdoviča ŭ Šarkaŭščynskim rajonie dapamahli vyśvietlić, što ŭ mastaka jość daloki svajak, jaki pracuje ŭ Hłybockim laśnictvie. Dyrektarka znajšła jaho i atrymała zhodu na toje, kab škole prysvoili imia Drazdoviča.
Jazep Drazdovič (1888-1954) byŭ mastakom, etnohrafam i piśmieńnikam. Jon naradziŭsia ŭ vioscy Puńki ciapierašniaha Hłybockaha rajona, vučyŭsia ŭ Vilenskaj rysavalnaj škole, šmat padarožničaŭ pa Biełarusi, zamaloŭvaŭ architekturu, pobyt i krajavidy.
U 1927—1929 hadach Jazep Drazdovič vykładaŭ malavańnie ŭ Navahrudskaj biełaruskaj himnazii. Akramia taho, jon stvaryŭ cykł rabot, pryśviečanych Navahrudčynie.
Asablivaje miesca ŭ jaho tvorčaj spadčynie zajmajuć fantastyčnyja karciny, pryśviečanyja kosmasu i płanietam.
Ciapier čytajuć
Stalinista-jabaćku z Homiela zatrymali paśla taho, jak jon zaprasiŭ Łukašenku na hvałtoŭnaje zakryćcio svajho treciaha kafe17
Kamientary
A bieź ich podpisaŭ dyrektar škoły nie moža samastojna takija spravy zrabić. Nažal.