Pasoł Biełarusi ŭ Rasii nazvaŭ siońniašni tavaryski matč pamiž zbornymi hałoŭnaj hulnioj hoda
Pasoł Biełarusi ŭ Rasii Dźmitryj Kruty ŭ razmovie sa «Sport-Ekspriessom» adkazaŭ na pytańnie ab staŭleńni da tavaryskaha matču pamiž zbornymi dźviuch krain.
«Tavaryskaja hulnia Rasii i Biełarusi? Heta hałoŭny matč hoda. U nas da jaho takoje staŭleńnie», — skazaŭ Kruty «SE» ŭ kułuarach PMEF-2024.
Matč pamiž Rasijaj i Biełaruśsiu projdzie na stadyjonie «Dynama» ŭ Minsku siońnia, 7 červienia. Pačatak a 20.00 pa minskim časie.
Paśla poŭnamaštabnaha ŭvarvańnia Rasii va Ukrainu ŭ lutym 2022 hoda na biełaruskich i rasijskich futbalistaŭ nakłali sankcyi. Rasijski futboł — zbornyja i kłuby naohuł adchileny ad mižnarodnych spabornictvaŭ: jeŭrakubkaŭ i adboračnych turniraŭ zbornych. Zbornaja Rasii pravodziła tavaryskija pajadynki z daloka nie mocnymi družynami z Azii i Afryki. Tolki ŭ sakaviku našy ŭschodnija susiedzi praviali tavaryski matč ź jeŭrapiejskaj zbornaj Sierbii.
Biełaruś abyšłasia małoj kryvioj, nas u mižnarodnych spabornictvach pakinuli, ale chatnija pajadynki zbornyja i kłuby vymušanyja pravodzić na niejtralnym poli. Tamu hulnia suprać Rasii — pieršaja na svaim poli z vosieni 2021 hoda.
Ciapier čytajuć
«Biełaruś pieradusim». Što viadoma pra 23‑hadovaha aficera śpiecnaza, jakoha asudzili na 19 hadoŭ za «zdradu dziaržavie»18
Kamientary