Jaje znajšli praź dzień u žyvacie źmiai.
50-hadovaja maci čaćviarych dziaciej pa imieni Faryda źnikła ŭ lesie, niepadalok ad svajho doma ŭ vioscy Kalempanh u Indaniezii. Jana išła na rynak, kudy adpraviłasia pradavać harodninu sa svajho aharoda, piša Bi-bi-si.
Muž Farydy zaniepakoiŭsia, kali jana nie viarnułasia da nočy i padniaŭ susiedziaŭ, jakija razam ź im uzialisia za pošuki.
Na nastupny dzień jany znajšli ŭ zaraśnikach hihanckaha šaścimietrovaha pitona ź vialikim uzdućciem na žyvacie. Žychary vioski, zapadozryŭšy najhoršaje, parezali toŭstuju skuru reptylii i znajšli žančynu ŭ straŭniku źmiai.
Pa słovach starejšyny vioski Kalempanh, złavić pitona i dastać achviaru ź jaho straŭnika, dapamahali žychary niekalkich susiednich pasieliščaŭ.
Heta nie pieršy vypadak napadu pitonaŭ na ludziej u Indaniezii. U 2022 hodzie 50-hadovaja zborščyca kaŭčuku była zabitaja i prahłynutaja całkam pitonam ŭ pravincyi Džambi na vostravie Sumatra.
Adnak padobnyja vypadki davoli redkija. Z 2017 hoda ŭ Indaniezii takim čynam zahinuli čatyry čałavieki, uklučajučy žančynu, jakaja była zabitaja pitonam na hetym tydni.
Pitony zahłynajuć ježu całkam. Ich skivicy złučanyja vielmi hnutkimi źviazkami, tamu jany mohuć abchaplać bujnuju zdabyču.
Maładyja pitony jaduć pacukoŭ i inšych drobnych žyvioł, a zdabyčaj darosłych pitonaŭ mohuć być śvińni i navat karovy.
Sietkavaty piton — samaja doŭhaja źmiaja ŭ śviecie, jaje pamier zvyčajna pieravyšaje 6,25 mietra.
Sietkavatyja pitony žyvuć u Paŭdniova-Uschodniaj Azii. Jany vydatna płavajuć i časam zapłyvajuć navat u adkrytaje mora. Palujuć jany zvyčajna ŭviečary i nočču, a dni pravodziać na drevach abo ŭ piačorach.
Ciapier čytajuć
Voś jak vyhladaje z kosmasu aśviatleńnie Minska ŭ paraŭnańni z susiednimi stalicami FOTAFAKT2
Voś jak vyhladaje z kosmasu aśviatleńnie Minska ŭ paraŭnańni z susiednimi stalicami FOTAFAKT
U pačatku 2000‑ch troje nastaŭnikaŭ historyi źbiehli va Ukrainu ad «hienacydu biełaruskaha naroda», jaki čyniŭ režym Łukašenki. Jak skłaŭsia ich los?1515
Kamientary