«Pakul usio cicha». Žonka Dźmitryja Smaktunoviča raskazała, što ciapier ź jaje mužam
«Lusterka» daviedałasia ŭ žonki Dźmitryja Smaktunoviča, jakoha niadaŭna departavali z Polščy i z-za niežadańnia jakoha jechać u Biełaruś 12 červienia byŭ zabłakavany pamiežny punkt propusku ŭ Tarespali, što ciapier ź jaje mužam, jaki ŭrešcie pierajšoŭ u Biełaruś i tam navat daŭ kamientar dziaržSMI.
Pa słovach Natalli Smaktunovič, viarnuŭšysia ŭ Biełaruś, Dźmitryj biez zdareńniaŭ dajechaŭ dachaty. Paśla vychadu z punkta propusku jaho nie dapytvali i nie zatrymlivali.
Žonka z mužam uvieś čas na suviazi, u tym liku pa videa, i kaža, što pakul usio cicha: «Byŭ momant, što ŭčora pad voknami doŭha stajaŭ busik, ale potym ničoha nie było».
U toj ža čas, maŭlaŭ, supracoŭniki dziaržSMI sprabujuć atakavać jaho maci, kab vyjści na jaho i atrymać niejkija kamientary: «Mabyć, chočuć ciapier ačarnić polski bok, pakazać, što jaho nichto nie zatrymaŭ, što jon pryjechaŭ i spakojna žyvie».
Natalla zapeŭnivaje, što DNŽ u jaje muža skončyŭsia nie dva hady tamu, chaj sabie jon i sam toje kazaŭ prapahandystam:
«Dazvoł na žycharstva ŭ jaho byŭ da 2024 hoda. Hetaja data stajała na samaj kartcy. A anulavali jaho, akazvajecca, hod tamu, u traŭni 2023-ha», — havoryć žančyna.
Pavodle jaje słoŭ, Smaktunovič užo napisaŭ prašeńnie ŭ ambasadu Polščy ŭ Biełarusi, kab razhledzieli jahonuju situacyju i razabralisia, chto vinavaty. Hetuju zajavu ŭ jaho nibyta pryniali. Pry hetym Natalla nastojvaje, što sam praces departacyi byŭ ździejśnieny z parušeńniami: mužu nie dali razabracca ŭ tym, što jon padpisvaje.
Za siabie žančyna nadta nie pieražyvaje: jana maje svoj biznes (ahienctva niań), tamu prablem z dakumientami i finansami ŭ jaje być nibyta nie pavinna. Adno što tolki, zastaŭšysia adnoj z tryma dziećmi, pracavać daviadziecca bolš.
Stała viadoma, na kolki hod departavanamu z Polščy biełarusu zabaranili ŭjezd u ES
Departavany z Polščy Dźmitryj Smaktunovič vystupiŭ pa telebačańni
«Pryjšoŭ pieššu ź Biełarusi». Palaki raskazali svajo bačańnie historyi ź biełarusam, praź jakoha zakryvali pamiežny punkt
Departavany z Polščy biełarus pierajšoŭ na terytoryju RB. Ruch u pamiežnym punkcie Tarespal adnaviŭsia
Biełarusa, jakoha departujuć z Polščy, raniej sudzili za pieravozku nielehalnych mihrantaŭ
Polskija pamiežniki ŭ punkcie propusku Tarespal pierakryli ruch u abodva baki
Z Polščy departujuć biełarusa, jaki nie choča na radzimu. Jon na niejtralnaj pałasie pad Brestam
Pamiatajecie Daniiła z Ofisa Cichanoŭskaj, jakomu za dva dni sabrali hrošy na ankałahičnuju apieracyju? Jamu napisaŭ toj samy adnakłaśnik, jaki jaho ŭdaryŭ — z čaho ŭsio i pačałosia44
Kamientary