Rasija z-za vajny va Ukrainie źniała amal usie vojski sa svajoj samaj praciahłaj miažy z NATA
Bazy Uzbrojenych sił Rasii pablizu miažy ź Finlandyjaj značna apuścieli, niahledziačy na pahrozy Maskvy pašyryć svaju vajskovuju prysutnaść u hetym rehijonie praz ustupleńnie krainy ŭ NATA, piša finskaje vydańnie Yle sa spasyłkaj na vysokapastaŭlenaha pradstaŭnika vyviedki Finlandyi, a taksama na spadarožnikavyja zdymki.
Kala 80% techniki i sałdat z rasijskich bazaŭ kala finskaj miažy pierakinuli na vajnu va Ukrainie, na abjektach zastalisia tolki instruktary. Padobnaja situacyja ciapier nazirajecca amal va ŭsich rasijskich rehijonach, akramia Maskoŭskaj vobłaści, adznačaje vydańnie.
Padobnyja źviestki pryvodzić i raźviedsłužba Narviehii, paviedamlaje The Moscow Times. Pavodle jaje acenak, kolkaść suchaputnych vojskaŭ Rasii na Kolskim paŭvostravie za čas vajny skaraciłasia na 80%. Taksama, pavodle padlikaŭ narviežskaj raźviedki, Rasii spatrebicca ad troch da piaci hadoŭ, kab adnavić bajazdolnaść svaich uzbrojenych sił paśla zakančeńnia vajny va Ukrainie.
Pry hetym Uładzimir Pucin, abviaščajučy pra pačatak vajny z Ukrainaj, kazaŭ, što adnoj z metaŭ uvarvańnia nibyta źjaŭlajecca supraćdziejańnie nabližeńniu «vajskovaj mašyny NATA» da miežaŭ Rasii. Adnak rasijskaja ahresija, naadvarot, vymusiła dźvie krainy (Finlandyju i Šviecyju) dałučycca da vajskovaha błoku, prytym adna ź ich (Finlandyja) niepasredna miažuje z Rasijaj. U vyniku hetaha praciahłaść miažy NATA z Rasijaj vyrasła ŭdvaja — na 1,3 tysiačy km, a ŭzbrojenyja siły Aljansu papoŭniła adna z samych bajazdolnych armij Jeŭropy.
Śviadomaja pravakacyja ci pamyłka čynoŭnikaŭ? Što moža stajać za namierami Rasii ŭdakładniać svaje miežy ŭ Bałtyjskim mory
«Nie daŭžej, čym nieabchodna». Finlandyja tak i nie adkryła miažu z Rasijaj
Finlandyja paciarpić pieršaj — rasijski dypłamat pryhraziŭ NATA
«Nahadvaje kryzis ź Biełaruśsiu». Finlandyja fiksuje rezki rost kolkaści nielehalnych mihrantaŭ ź Blizkaha Uschodu na miažy z Rasijaj
Ciapier čytajuć
Jaje nie chacieli brać u muzyčnuju škołu, a ŭ 14 jana syhrała ŭ Karniehi-chole ŭ Ńju-Jorku. Biełaruskaja skrypačka — pra žyćcio ŭ Łondonie, zarobki i čym skrypka Stradyvary za 14 miljonaŭ jeŭra adroźnivajecca ad zvyčajnaj1111
Jaje nie chacieli brać u muzyčnuju škołu, a ŭ 14 jana syhrała ŭ Karniehi-chole ŭ Ńju-Jorku. Biełaruskaja skrypačka — pra žyćcio ŭ Łondonie, zarobki i čym skrypka Stradyvary za 14 miljonaŭ jeŭra adroźnivajecca ad zvyčajnaj11
Natalla Kalehava raskazała pra dapamohu biełaruskim uciekačam, svaju siamju, staŭleńnie da Cichanoŭskaj. I patłumačyła, chto takija «babry» i «zajcy»4343
Kamientary