Hłytać zond bolš nie pryjdziecca. Tabletka-robat dla hastraskapii
Inavacyjnuju technałohiju ŭžo pačali vypraboŭvać na ludziach.
Amierykanskaja kampanija Endiatx raspačała kliničnyja vyprabavańni svajho inavacyjnaha mikrarobata PillBot, jaki całkam zamianiaje standartnuju praceduru hastraskapii z hłytańniem zonda, paviedamlaje partał New Atlas.
«PillBot maje formu zvyčajnaj tabletki i pry pryjomie ŭsiaredzinu dazvalaje lekaru dystancyjna pry dapamozie zvyčajnaha smartfona daśledavać straŭnikava-kišačny trakt pacyjenta biez usialakaj aniestezii.
Pacyjentu nie pryjdziecca hłytać zond, sutykajučysia z bolem, dyskamfortam i ryzykaj traŭmavańnia ŭnutranych orhanaŭ», — zajavili pradstaŭniki kampanii Endiatx padčas demanstracyi mahčymaściaŭ praduktu.
U kampanii dadali, što PillBot dazvolić pravodzić praceduru hastraskapii jak u kabiniecie ŭ lekara, tak i ŭ kamfortnych chatnich umovach bieź nieabchodnaści naviedvać balnicu.
U budučyni kampanija płanuje pašyryć funkcyjanalnaść mikrarobata, dadaŭšy jamu mahčymaść spyniać unutranyja kryvacioki, źbirać uzory tkanin i kletak, vydalać palipy i inšyja łakalnyja narasty.
Aproč inšaha, Endiatx imkniecca stvaryć mnostva miedycynskich mikrarobataŭ pamieram z rysavaje ziarniatka, jakija na rehularnaj asnovie buduć manitoryć stan čałavieka i svoječasova vykonvać składanyja apieracyi, pakul pacyjent zajmajecca štodzionnymi spravami, padkreślili ŭ kampanii.
Ciapier čytajuć
Zorka brejkdansu ź Viciebska atrymaŭ 11 hadoŭ turmy ŭ Kitai. Što zdaryłasia?4
Kamientary