Інавацыйную тэхналогію ўжо пачалі выпрабоўваць на людзях.
Амерыканская кампанія Endiatx распачала клінічныя выпрабаванні свайго інавацыйнага мікраробата PillBot, які цалкам замяняе стандартную працэдуру гастраскапіі з глытаннем зонда, паведамляе партал New Atlas.
«PillBot мае форму звычайнай таблеткі і пры прыёме ўсярэдзіну дазваляе лекару дыстанцыйна пры дапамозе звычайнага смартфона даследаваць страўнікава-кішачны тракт пацыента без усялякай анестэзіі.
Пацыенту не прыйдзецца глытаць зонд, сутыкаючыся з болем, дыскамфортам і рызыкай траўмавання ўнутраных органаў», — заявілі прадстаўнікі кампаніі Endiatx падчас дэманстрацыі магчымасцяў прадукту.
У кампаніі дадалі, што PillBot дазволіць праводзіць працэдуру гастраскапіі як у кабінеце ў лекара, так і ў камфортных хатніх умовах без неабходнасці наведваць бальніцу.
У будучыні кампанія плануе пашырыць функцыянальнасць мікраробата, дадаўшы яму магчымасць спыняць унутраныя крывацёкі, збіраць узоры тканін і клетак, выдаляць паліпы і іншыя лакальныя нарасты.
Апроч іншага, Endiatx імкнецца стварыць мноства медыцынскіх мікраробатаў памерам з рысавае зярнятка, якія на рэгулярнай аснове будуць маніторыць стан чалавека і своечасова выконваць складаныя аперацыі, пакуль пацыент займаецца штодзённымі справамі, падкрэслілі ў кампаніі.
Цяпер чытаюць
Пасадзілі адваката Дзмітрыя Лаеўскага, які абараняў Бабарыку і Знака11
Пасадзілі адваката Дзмітрыя Лаеўскага, які абараняў Бабарыку і Знака
«Беларусь яны бачаць часткай Расіі». Што значыць уздым «Альтэрнатывы для Германіі», наколькі далёка гэта можа зайсці і як сябе пазіцыянаваць беларусам5454
«Беларусь яны бачаць часткай Расіі». Што значыць уздым «Альтэрнатывы для Германіі», наколькі далёка гэта можа зайсці і як сябе пазіцыянаваць беларусам54
«У сына на тэлефоне былі налепленыя сцяг і герб Расіі. З гэтага ўсё пачалося». Бацька школьніка з Баранавіч расказаў, як яго сына цкавалі аднакласнікі4747
Каментары