Łukašenka padpisaŭ zakon, jaki abaviazvaje biełarusaŭ za miažoju infarmavać ułady pra važnyja źmieny ŭ žyćci — šlub, naradžeńnie dziciaci
Alaksandr Łukašenka 8 lipienia padpisaŭ zakon, jaki abaviazvaje biełarusaŭ infarmavać dziaržaŭnyja orhany pra rehistracyju aktaŭ hramadzianskaha stanu adnosna siabie i svaich niapoŭnahadovych dziaciej u zamiežnych dziaržavach.
Siarod inšaha źmienami ŭvodzicca patrabavańnie «infarmavańnia hramadzianami Respubliki Biełaruś kampietentnych orhanaŭ svajoj dziaržavy pra rehistracyju aktaŭ hramadzianskaha stanu adnosna siabie i svaich niapoŭnahadovych dziaciej u zamiežnych dziaržavach».
Takim čynam, zhodna z Hramadzianskim kodeksam, biełarusy za miažoju abaviazany paviedamlać uładam pra naradžeńnie, zaklučeńnie šlubu, skasavańnie šlubu, ustanaŭleńnie maciarynstva i baćkoŭstva, usynaŭleńnie ci ŭdačareńnie, śmierć, źmienu proźvišča i h. d.
Asnoŭnyja pałažeńni zakona nabyvajuć moc 1 studzienia 2025 hoda.
U vieraśni 2023 hoda Łukašenka padpisaŭ ukaz №278 «Ab paradku vydačy dakumientaŭ», jaki surjozna ŭskładniŭ žyćcio biełarusam, jakija žyvuć za miažoj. Ciapier biełarusy nie mohuć mianiać pašparty za miažoj i nie mohuć da viartańnia ŭ krainu rasparadžacca svajoj majomaściu ŭ Biełarusi.
Čym ciapier zajmajucca dziaŭčaty, jakich letaś nazvali samymi pryhožymi ŭ Biełarusi?9
Čym ciapier zajmajucca dziaŭčaty, jakich letaś nazvali samymi pryhožymi ŭ Biełarusi?
Mistyčnaje koła Vilni: Kalinoŭski byŭ pachavany ź miedaljonam śviatyni, kala jakoj vyras hatyčny pałac doktara z-pad Oršy. Ciapier pareštki Kalinoŭskaha pierapachavali ŭ mahilni taho ž doktara2121
Kamientary