Noŭtbuk nie pryviazuć, a krasoŭki — kali łaska. Ci možna zamović tavary z Polščy paśla abmiežavańniaŭ na vyvaz?
Da ŭviadzieńnia abmiežavańniaŭ na vyvaz tavaraŭ z Polščy ŭ Biełaruś mnohija biełarusy kuplali adzieńnie, abutak, elektroniku i kaśmietyku ź Jeŭropy praz pasiarednikaŭ — tak zvanyja bajery vazili tavary z Polščy. Žurnalist Most pasprabavaŭ zamović bajeram pradukcyju z polskich kramaŭ z dastaŭkaj u Biełaruś i sa ździŭleńniem vyjaviŭ: schiema ŭsio jašče pracuje, choć čakać pryjdziecca daŭžej, čym raniej, a pryvieźci hatovyja nie ŭsio.
Terminy dastaŭki źmianilisia
Pieršaha pasiarednika znajšli ŭ instahramie pa zapycie «Bajer Minsk». U storys jon prapanuje kupić kaśmietyku, na chajłajtary abiacaje 20-pracentnuju źnižku.
Adzin z chajłajtaraŭ znachodzicca na polskim sajcie Notino.pl. Tut jon pradajecca za 226 złotych, a sa źnižkaj — za 203,4 złotaha. Bajer na pytańnie, kolki abydziecca kupla hetaha tavaru ŭ jaho, adkazvaje, što 187 biełaruskich rubloŭ. Heta krychu mienš za 230 złotych pa aficyjnym kursie — na 13% daražej, čym sa źnižkaj na polskim sajcie.
Na pytańnie, ci doŭha daviadziecca čakać tavar, bajer paviedamlaje, što terminy dastaŭki ŭ apošni čas źmianilisia. Nabytaja kaśmietyka pryjedzie ŭ Minsk ciaham 10-14 dzion, a raniej pakupka dajazdžała da klijenta mienš čym za 10.
«Raniej vazili, ale ŭ apošnija dni — nie»
Nastupny akaŭnt pradaje ŭ asnoŭnym abutak. Ci možna tut zamović mužčynskija krasoŭki Nike? Pradaviec hatovy pryvieźci ich za 410 rubloŭ, ale jašče 141 rubiel daviadziecca zapłacić za dastaŭku. U toj ža čas hatovyja zrabić 15%-nuju źnižku na pasłuhi bajera, tamu za pryvoz treba budzie dapłacić 120 rubloŭ.
U vyniku krasoŭki abyducca ŭ 530 rubloŭ. Heta kala 650 złotych, a ŭ Polščy ich možna nabyć za 500. Termin dastaŭki — da 30 dzion, ale, pa zapeŭnieńniach bajera, u siarednim čakać davodzicca dzion z 10—14. A jak doŭha tavary jechali raniej?
«Da 20 dzion, ale my zaŭsiody spraŭlalisia raniej», — adkazvaje pradaviec.
Na ŭsialaki vypadak u jaho zapytalisia, ci nie zmoža pasiarednik kupić u Polščy inšyja nieabchodnyja tavary: noŭtbuk, televizar i płanšet. Pradaviec adkazvaje, što raniej ich vazili, ale ŭ apošnija dni — nie. Pryčyna — situacyja na miažy.
«Hatovyja całkam zharnuć biznes»
Vadzim (imia źmieniena) peŭny čas tamu taksama vaziŭ u Biełaruś tavary. Ź jahonych słoŭ, praz uviedzienyja abmiežavańni prablemy ŭ bajeraŭ uźnikli z darahimi tavarami, košt jakich pačynajecca ad 1000 jeŭra. A bolš tannyja rečy jany hatovyja vazić, jak i raniej, pryčym prykładna pa tych ža cenach.
Praŭda, jechać pakupki ciapier buduć da klijenta krychu daŭžej: mnohija stali vazić tavary praź Litvu. Zrešty, Vadzim nie vyklučaje, što praviły vyvazu zrobić bolš žorstkimi i hetaja kraina.
«Tady tavary nie buduć iści i praź Litvu. Mnohija bajery rychtujucca da taho, kab całkam zharnuć svoj biznes. Ale, mahčyma, situacyja i palepšycca. Chto viedaje, moža być, zaŭtra Łukašenka Pačobuta vypuścić i palaki dazvolać biełarusam pravozić tavary. Abo zusim voźmuć i pahranpierachody dadatkovyja adkryjuć. Usiakaje moža być», — ličyć jon.
@nashaniva Uvaha! Polšča pierastała puskać fury ź Biełarusi #dalnobojŝiki #dalnoboj #biełorusyvpolšie #biełaruś #polša #našaniva ♬ Suspense Thriller - Nitesail
Paśla ŭviadzieńnia novych abmiežavańniaŭ vielizarnaja čarha na miažy z Polščaj rassmaktałasia za niekalki hadzin
Polskaja mytnia patłumačyła, čamu biełarusam nie dazvalajuć vyvozić tavary
Čamu Polšča zabaraniła vyvaz tavaraŭ fizičnym asobam i jakija tavary ciapier nielha pravieźci?
Polšča ŭviała zabaronu na vyvaz mnohich tavaraŭ u Biełaruś dla fizičnych asob
Ciapier čytajuć
Vital z-pad Vilejki, jaki padpaliŭ chatu z ułasnymi dziećmi, zavierbavaŭsia ŭ rasijskaje vojska. I prapaŭ na pieršym ža bajavym zadańni2
Kamientary
Moža być, urešcie zdahadajeciesia, chto hałoŭny interesant pierakryćcia pasažyrskaha trafiku?
Kali ŭžo palaki pierastanuć šukać tam, dzie śvietła, a nie tam, dzie zhubili? Nu prosta niemahčyma spakojna nazirać čarhovaje škodnictva!