Chalezin raspavioŭ, kali i dzie vyjdzie śpiektakl pra Snycinu sa Snycinaj
Mikałaj Chalezin apublikavaŭ post, u jakim raspavioŭ pra premjeru śpiektakla KS6: SMALL FORWARD.
Śpiektakl zasnavany na asabistaj historyi Kaciaryny Snycinaj, zorki žanočaha baskietboła, vymušanaj pakinuć Biełaruś.
Jaho pakažuć u Ńju-Jorku.
«Ekśpierymientalny Teatralny kłub La MaMa adkryje ciapierašniaj vosieńniu svoj 63-y siezon novaj pracaj, stvoranaj suśvietna viadomym biełaruskim Svabodnym teatram — KS6: SMALL FORWARD — praniźlivaj pastanoŭkaj ab alimpijskaj spartsmiency i zorcy žanočaha baskietboła, pieršaj i adzinaj papularnaj spartyŭnaj postaci ŭ historyi Biełarusi, jakaja adkryta zajaviła ab svajoj homaseksualnaści, i jakaja ciapier žyvie ŭ vyhnańni jak aktyŭny zmahar suprać dyktatury, panujučaj u jaje rodnaj krainie», — tak abviaściła premjeru Mia Ju, mastacki kiraŭnik teatra La MaMa.
Śpiektakl zasnavany na hutarkach z zorkaj baskietboła Kaciarynaj Snycinaj, adaptavany dla sceny i pastaŭleny sa-zasnavalnikami BST Mikałajem Chalezinym i Natallaj Kaladaj.
Natalla Kalada kaža: «Kab być svabodnym, treba być śmiełym. Mienavita heta my znajšli ŭ historyi Kaci: žančyny, jakaja vystupiła suprać dyktatury i pakinuła nacyjanalnuju zbornuju pa baskietbole ŭ znak salidarnaści ź biełaruskim narodam i suprać hvałtu. Na placoŭcy jana hulała «lohkaha forvarda», nabirajučy ački, abaraniajučysia, stvarajučy adkrytyja linii i robiačy padbory dla ŭsioj kamandy. Historyja Kaci dapamahła nam zrazumieć, što «lohki forvard» — heta sposab być svabodnym».
Papiarednija prahlady pačnucca 21 vieraśnia, a pres-adkryćcio adbudziecca 23 i 24 vieraśnia ŭ budynku teatra Elen Ściuart u Ńju-Jorku. Śpiektakl praciahniecca da 13 kastryčnika.
«Heta budzie siensacyja, bo nichto takoha nie čakaŭ». Zdajecca, stała viadoma, čym budzie zajmacca Snycina
«Sania, hladzi, jak treba pryhoža sychodzić». Kaciaryna Snycina — pra toje, čym budzie zajmacca paśla zaviaršeńnia baskietbolnaj karjery
Kaciaryna Snycina vyjhrała apošni matč u karjery. Hulać jana vyjšła ŭ niezvyčajnych krasoŭkach
Alimpijski čempijon Aramnaŭ: Nam vyhadnaja praciahłaja vajna, i Vova dy Saša ŭ joj pieramohuć14
Kamientary