Biełteleradyjokampanija aznajomiła karystalnikaŭ svaich kanałaŭ z prahramaj na nastupny tydzień. Tranślacyj Alimpijady niama.
Z prahramy vynikaje, što biełaruskija hledačy pa dziaržaŭnym telebačańni nie zmohuć ubačyć tranślacyi Alimpijady ŭ Paryžy-2024. Spabornickaja prahrama startuje ŭ subotu, 27 lipienia, a dniom raniej, u piatnicu, projdzie cyrymonija adkryćcia Hulniaŭ.
U sietcy viaščańnia «Biełaruś 1» i «Biełaruś 5» padziei Alimpijskich hulniaŭ nie značacca, piša Smartpress.by.
Adpaviedna, dla prahladu tranślacyj spatrebicca šukać inšyja krynicy. Pryčym i nie ŭ Rasii. Raniej było abvieščana, što ŭ susiedniaj krainie taksama nie źbirajucca pakazvać hałoŭnyja hulni čatyrochhodździa.
Raniej stała viadoma, što Mižnarodny alimpijski kamitet nie ŭklučyŭ Biełaruś i Rasiju ŭ lik jeŭrapiejskich viaščalnikaŭ. Miedyjapravy na pakaz hulniaŭ na terytoryi jeŭrapiejskich krain atrymali Jeŭrapiejski viaščalny sajuz i kampanija Warner Bros. Discovery.
Apošni raz u Biełarusi nie pakazvali Alimpijadu ŭ 1984 hodzie, kali SSSR i krainy sacłahieru (aproč Rumynii) bajkatavali Letniuju Alimpijadu ŭ Łos-Andželesie.
Pa apošnich źviestkach, uziać udzieł u Paryžy-2024 zmohuć tolki 16 biełaruskich spartoŭcaŭ (u Tokia-2021 było 106 atletaŭ i heta tady byŭ minimum). Adnak kančatkovaje rašeńnie za Mižnarodnym alimpijskim kamitetam, jaki praviadzie vynikovaje pasiadžeńnie 20 lipienia.
Kamientary