U Vilejskim rajonie kiroŭca pahruzčyka ledź nie ŭrezaŭsia ŭ pachavalnuju pracesiju
DTZ adbyłosia 16 lipienia ŭ ahraharadku Kuraniec. Kala 12:00 63-hadovy kiroŭca pahruzčyka «Amkador» ruchaŭsia pa vioscy. Nasustrač jamu išła pachavalnaja pracesija.
Mužčyna staŭ pradprymać miery, kab spynicca, ale nie zmoh — raptam admoviła tarmaznaja sistema. Ludzi ŭ kałonie, ubačyŭšy, što na ich ruchajecca sielskahaspadarčaja technika, pačali raźbiahacca ŭ roznyja baki, paviedamlaje vydańnie «Šlach pieramohi».
Kab nie ździejśnić sutyknieńnia, mužčyna pačaŭ źjazdžać na levuju abočynu, dzie była nievialikaja kanava. Transpart stała chilić, u vyniku jon upaŭ na dom №19.
U vyniku, paciarpieła tolki 69-hadovaja žančyna. Uciakajučy, jana ŭpała i atrymała na rukach i nahach rany. «Amkador» atrymaŭ miechaničnyja paškodžańni.
U dačynieńni da kiroŭcy składzieny pratakoł za stvareńnie avaryjnaj abstanoŭki dla ruchu piešachoda.
Zialenski nazvaŭ, jakija retranślatary na miažy i biełaruskija pradpryjemstvy chvalujuć Ukrainu36
Kamientary