Na pažary ŭ Hrodnie, dzie zahinuli try čałavieki, jašče piaciarych uratavali
U Hrodnie padčas pažaru ŭ piacipaviarchovym žyłym domie, u vyniku jakoha zahinuli troje mužčyn, supracoŭniki MNS vyratavali i evakujavali inšych žycharoŭ, piša BiełTA.

Skrynšot ź videa
Pažar adbyŭsia na vulicy Foluš. Ratavalniki dastali z susiednich i vierchnich kvater piaciarych čałaviek, siarod jakich byli dvoje dziaciej.
Paśla ahladu miedykami ŭ balnicu nakiravali čatyrochmiesiačnaje niemaŭla, astatnim vyratavanym miedycynskaja dapamoha nie spatrebiłasia.
Akramia taho, z padjezda evakujavali jašče 12 čałaviek. U špital taksama dastavili 76‑hadovuju žančynu.
Pažar byŭ całkam likvidavany. Paśla pravietryvańnia pamiaškańniaŭ žychary zmahli viarnucca ŭ svaje kvatery. Na miescy zdareńnia pracavali dziesiać adzinak techniki MNS.
Kamientary