Pamiatajecie Asol Śliviec? Žyćcio frystajlistki źmianiłasia da niepaznavalnaści, ciapier jana Abihal
Tydzień tamu ŭpieršyniu ŭ historyi sučasnaj Biełarusi ŭ Vałožynie praviali staražytny jaŭrejski abrad padpisańnia šlubnaj damovy — ktuby. Udzielnikami stała para ź Minska Ejal i Abihal. Akazałasia, što niaviesta — taja samaja Asol Śliviec, maci pieciarych dziaciej.
U 2024 hodzie ŭ Vałožynie paśla maštabnaj rekanstrukcyi byŭ adkryty ješybot (ješyva). Sioleta ŭ studzieni tut adbyŭsia staražytny jaŭrejski abrad padpisańnia ktuby, abo šlubnaj damovy, jaki źjaŭlajecca adnoj z najvažniejšych častak viasielnaj cyrymonii.
Na padpisańnie ŭ Vałožyn pryjechała para ź Minska — Ejal i Abihal, šmatdzietnyja baćki, sajuz jakich byŭ aficyjna zarehistravany dziaržavaj. Adnak da momantu padpisańnia šlubnaj damovy jak fakta ŭśviedamleńnia duchoŭnaj rodnaści spatrebilisia hady.
Fanaty frystajła paznali ŭ niavieście Abihal viadomuju frystajlistku Asol Śliviec.
Asol nieadnarazova pradstaŭlała Biełaruś na Alimpijskich hulniach. U 2002 hodzie Śliviec zaniała trynaccataje miesca, u 2006‑m — piataje, a ŭ 2010‑m — čaćviortaje.
U 2011 frystajlistka vyrašyła pradstaŭlać na mižnarodnych startach užo inšuju krainu. Asol razam z bratam Cimafiejem pierabrałasia žyć i pracavać u Sočy, stała hramadziankaj Rasii. U składzie rasijskaj kamandy jana vystupała da 2014 hoda. Tady na apošniaj svajoj Alimpijadzie Asol zaniała dvanaccataje miesca.
Skončyŭšy spartyŭnuju karjeru, frystajlistka viarnułasia ŭ Biełaruś i pačała pracavać jak trenierka.
Šmat hadoŭ Asol pražyła ŭ šlubie ź Siarhiejem Mininym, hałoŭnym trenieram nacyjanalnaj kamandy pa kańkabiežnym sporcie. U pary naradziłasia try syny, jašče adnu dziaŭčynku jany ŭziali ź dziciačaha doma.
U intervju spartsmienka nie raz dzialiłasia sakretami svajho siamiejnaha ščaścia — raspaviadała, jak budavać adnosiny z mužam i vychoŭvać čaćviarych dziaciej.
U 2023 hodzie «Trybuna» daviedałasia, što znakamitaja spartsmienka padała ŭ sud Maskoŭskaha rajona Minska, kab spahnać alimienty na ŭtrymańnie dziaciej ź Siarhieja Minina.
U lutym 2025 hoda Asol jašče raz stała maci — jana naradziła syna, i ciapier u jaje siamji piaciora dziaciej (starejšamu synu ŭžo 17 hadoŭ).
Novaha muža zavuć Alaksandr (ci Ejal).
Kryścina Cimanoŭskaja znoŭ niaviesta — ź piarścionkam ad Tiffany
Vyhnaŭ žonku zimoj na vulicu, zabraŭ małuju dačku: detali razvodu kasmanaŭta Aleha Navickaha, jaki, zdajecca, ciapier ažaniŭsia z Vasileŭskaj
Lidarka «Sumlennych ludziej» Alena Žyvahłod atrymała prapanovu ruki i serca na bierazie Atłantyčnaha akijanu. Ale pabracca šlubam pakul nie moža
Kamientary
U nas zpradviek vysoka canilisia ziaci habrei. Canilisia tamu, što jany zausiody byli dobrymi siaḿjaninami. A što jašče treba było dobraj dziaučynie dla ščaścia?
A usio heta tamu, što Tora i Tałmud patrabujuć ad muža lubić i pavažać svaju siaḿju i svaju žonku. Žančyna ž, pa habrejskim zakonam, nie prynižana, jana maje nie mieńšyja pravy, čym muž. Tut navat seks rehulujecca. Naprykład, pa Tory, muž abaviazany nie mieniej dvuch razou u niadzielu "radavać" žonku. I heta pa ZA-KO-NU, i nijakich admazak "my tut ź siabrami ..."!!!
Štoj ta ja tut razyjšousia. Karaciej kažučy - VINŠUJu sa šlubam i viartańniem da karanioŭ.
Niama takoha pra "dva razy ŭ tydzień", jość abaviazak apłodatvaryć žonku.