ZŠA nastojvajuć, kab u novaj damovie ab kantroli nad jadziernymi ŭzbrajeńniami akramia Rasii byŭ i Kitaj
Rasija na praciahu mnohich hadoŭ parušała ŭmovy damovy ab kantroli nad jadziernymi ŭzbrajeńniami, tamu ZŠA nastojvajuć na zaklučeńni novaj, ale ŭžo nie dvuchbakovaj damovy. Pra heta zajaviŭ dziaržaŭny sakratar ZŠA Marka Rubia.
Pa słovach Rubia, Maskva faktyčna spyniła vykanańnie damovy SNU-3 u 2023 hodzie i zadoŭha da hetaha sistematyčna ihnaravała jaje patrabavańni, u vyniku čaho najaŭny miechanizm kantrolu byŭ razburany.
Rubia adznačyŭ, što damova moža dziejničać tolki pry najaŭnaści jak minimum dvuch adkaznych bakoŭ, tamu ZŠA apynulisia pierad vybaram: ci adnabakova vykonvać abaviazki, ci pryznać nieabchodnaść novaha padychodu, jaki adpaviadaje sučasnym realijam.
Jon nahadaŭ, što 5 lutaha damova SNU-3 aficyjna straciła moc, i ŭpieršyniu za šmat dziesiacihodździaŭ pamiž ZŠA i Rasijaj nie zastałosia nivodnaj dziejnaj damovy, jakaja abmiažoŭvaje jadziernyja arsienały.
Rubia taksama źviarnuŭ uvahu na rolu Kitaja, adznačyŭšy, što Rasija padtrymlivaje chutkaje i nieprazrystaje naroščvańnie jaho jadziernaha patencyjału. Pavodle acenak ZŠA, z 2020 hoda Kitaj pavialičyŭ kolkaść jadziernych bojehałovak z kala 200 da bolš jak 600, a da 2030 hoda ich moža stać zvyš tysiačy.
U suviazi z hetym dvuchbakovyja damovy jon nazvaŭ sastarełymi, bo ZŠA ciapier sutykajucca adrazu z dvuma raŭnaznačnymi jadziernymi praciŭnikami.
Dziaržsakratar ahučyŭ i novyja pryncypy kantrolu nad uzbrajeńniami, prapanavanyja prezidentam ZŠA Donaldam Trampam:
«Pa-pieršaje, kantrol nad uzbrajeńniami bolš nie moža być dvuchbakovym pytańniem pamiž ZŠA i Rasijaj. Jak ćviorda daŭ zrazumieć prezident, inšyja krainy niasuć adkaznaść za zabieśpiačeńnie stratehičnaj stabilnaści, i Kitaj — u bolšaj stupieni. Pa-druhoje, my nie prymiem umovy, jakija škodziać ZŠA abo ihnarujuć nievykanańnie patrabavańniaŭ u imknieńni da budučaj damovy… Pa-treciaje, my zaŭsiody budziem vieści pieramovy z pazicyi siły. Rasija i Kitaj nie pavinny čakać, što ZŠA buduć stajać na miescy, kali jany ŭchilajucca ad svaich abaviazkaŭ i pašyrajuć svaje jadziernyja siły».
Pry hetym Rubia padkreśliŭ, što Złučanyja Štaty buduć i nadalej padtrymlivać nadziejny i madernizavany jadzierny patencyjał strymlivańnia, adnačasova imknučysia da skaračeńnia kolkaści jadziernaj zbroi. Ekśpierty ž adznačajuć, što śviet nabližajecca da adnaho z samych niebiaśpiečnych pieryjadaŭ z časoŭ Chałodnaj vajny.
Kitaj abahnaŭ Rasiju pa kolkaści atamnych padvodnych łodak
Tramp zajaviŭ, što ŭžo spyniŭ niekalki jadziernych vojnaŭ. U tym liku pamiž Rasijaj i Ukrainaj
Rasija i ZŠA damovilisia adnavić vajskovy dyjałoh na vysokim uzroŭni
Rasija zajaviła, što bolš nie ličyć siabie źviazanaj damovaj ab abmiežavańni jadziernaha arsienała
Ciapier čytajuć
U Minsku pradajuć dom na vadzie. Kolki prosiać za niezvyčajny abjekt na Čyžoŭskim vadaschoviščy?3
Kamientary