Spartoŭcy z KNDR i Paŭdniovaj Karei zrabili sumiesnaje sełfi na Alimpijadzie FOTA
Sumiesny zdymak spartoŭcaŭ ź dźviuch varahujučych krain užo nazyvajuć adnym z najvažniejšych na Alimpijadzie ŭ Paryžy.
Majstry małoj rakietki z Paŭdniovaj Karei i KNDR zrabili sumiesnaje sełfi paśla cyrymonii ŭznaharodžańnia pryzioraŭ alimpijskaha turniru pa nastolnym tenisie ŭ źmiašanym parnym razradzie.
Paŭdniovakarejcy Lim Čon-chun i Sin Ju-bin uziali bronzavyja ŭznaharody, pieramohšy ŭ matčy za treciaje miesca paru z Hankonha. Srebra dastałasia paŭnočnakarejcam Ry Čon Sik i Kim Kum Jon — u finale ich abyhrali kitajcy Van Čucyń i Suń Inša.
Padčas cyrymonii paŭnočnakarejskija i paŭdniovakarejskija spartsmieny abmiežavalisia lohkim pociskami ruki i słovam «vinšuju» na karejskaj. Adnak paśla ŭručeńnia miedaloŭ adzin z pradstaŭnikoŭ Kitaja prapanavaŭ zrabić pieramožnaje sełfi.
The North and South Koreanathletes in one selfie suggested by Chinese gold medal winner Sun Yingsha.
A warmhearted group photo!#Paris2024 #OlympicGames #TableTennis pic.twitter.com/utCEL5S6KH
Na Alimpijadzie ŭ Paryžy arhanizatary dazvolili rabić takija fota na telefon Samsung — aficyjnaha partniora hulniaŭ. Pradstaŭniki dźviuch Karej pahadzilisia — i ich sumiesnaje sełfi zavirusiłasia ŭ internecie. U Paŭdniovaj Karei hetaje fota nazvali «sapraŭdnym alimpijskim ducham».
Spartsmieny z KNDR akazalisia na pjedestale Alimpijady ŭpieršyniu z 2016 hoda — Hulni ŭ Tokia jany prapuścili praz pandemiju.
Sumiesnaje sełfi źjaviłasia na fonie surjoznaj za apošnija dziesiacihodździ eskałacyi ŭ adnosinach pamiž KNDR i Paŭdniovaj Karejaj. Pchieńjan rehularna pasyłaje na poŭdzień pavietranyja šary sa śmiećciem, u adkaz paŭdniovakarejcy adnavili prapahandysckaje radyjoviaščańnie na miažy.
-
U Turcyi padčas futbolnaha matča miač trapiŭ u čajku. Ale zahinuć ptušcy nie dali
-
Śpiecpradstaŭnik Pucina pra finał Alimpijady: Zbornaja ZŠA pieramahła svoj budučy 52‑i štat. Adzin z apošnich chakiejnych matčaŭ pamiž ZŠA i Kanadaj
-
Lebron Džejms pieršym u historyi NBA nabraŭ 43 000 bałaŭ u rehularnych čempijanatach
«Łukašenka mnie skazaŭ: «Chočaš — možaš adkazać nam, udaryć pa Mazyry, pa zavodzie» — Zialenski32
«Łukašenka mnie skazaŭ: «Chočaš — možaš adkazać nam, udaryć pa Mazyry, pa zavodzie» — Zialenski
Zialenski: Ja nie budu kazać, jakim sposabam, ale našyja ludzi zajmalisia tym, kab try-čatyry retranślatary ŭžo nie pracavali na terytoryi Biełarusi11
Zialenski: Ja nie budu kazać, jakim sposabam, ale našyja ludzi zajmalisia tym, kab try-čatyry retranślatary ŭžo nie pracavali na terytoryi Biełarusi1
«Mama, davaj napišam zajavu ŭ milicyju, jon mianie ŭžo dastaŭ». Maci školnika z Bresta, jaki skončyŭ žyćcio samahubstvam, raskazała pra ckavańnie syna2626
Kamientary