Łatuška prakamientavaŭ prapanovu režymu vydać jaho ŭ abmien na Pačobuta
«Ja viarnusia ŭ Biełaruś, Łukašenka niachaj nie pieražyvaje».
Były ministr unutranych spraŭ i administracyi Polščy Maryjuš Kamiński raskazaŭ u intervju, što kali Polšča patrabavała vyzvalić Pačobuta, režym Łukašenki vystupiŭ z sustrečnaj prapanovaj:
«Ź ich boku była zrazumiełaja tolki ŭmova — «vy addajcie nam [Paŭła] Łatušku», adnaho ź dziejačaŭ biełaruskaj apazicyi, jaki stała žyvie ŭ Polščy, jakoha režym zavočna asudziŭ na niekalki dziasiatkaŭ hadoŭ turmy, «na nastupny dzień my vam pieradamo Pačobuta». Vidavočna, što nie mahli pravodzić takija pieramovy», — zajaviŭ Maryjuš Kamiński.
«Naša Niva» paprasiła prakamientavać heta samoha Paŭła Łatušku.
«Ja čuŭ takija prapanovy, sam Łukašenka ahučvaŭ heta publična. Ale, kaniečnie, ja nie viedaŭ pra toje, što hetaje pytańnie — prapanova abmianiać mianie na Andžeja Pačobuta — abmiarkoŭvałasia padčas niepasredna pieramovaŭ. Zrazumieła, što Polšča — kraina, jakaja vykonvaje mižnarodnyja normy, u tym liku ŭ halinie abarony ludziej, jakija majuć mižnarodnuju abaronu.
Ale ja viarnusia ŭ Biełaruś, Łukašenka niachaj nie pieražyvaje. Abaviazkova viarnusia. I jašče, dumaju, šmat z kim ź biełarusaŭ budziem razam hladzieć, jak jon budzie siadzieć na łavie padsudnych».
Palityk dadaŭ, što ŭžo nie raz atrymlivaŭ pahrozy. I ciapier u Polščy zaviedzienaja kryminalnaja sprava pa adnym z vypadkaŭ. «Ustalavanaja asoba padbuchtorvała da realizacyi zabojstva», — koratka prakamientavaŭ jaje sutnaść Łatuška.
Jon adznačyŭ, što takija pahrozy nie pakidajuć jaho abyjakavym, ale jany nie paŭpłyvajuć na jaho aktyŭnaść.
«Ci ŭpłyvaje heta na maju aktyŭnaść? Nie. Ci ŭpłyvaje heta na maju matyvacyju zmahacca? Nie. Naadvarot, jašče bolš ja budu vieści baraćbu z hetym žudasnym režymam, jaki panuje ŭ Biełarusi».
Łukašysty prapanoŭvali palakam u abmien na vyzvaleńnie Pačobuta vydać im Łatušku — były ministr
«Čamu nie spytaje ŭ siabie: kali ja jezdžu ŭ Hiermaniju i zabiraju ŭsie ŭznaharody, čamu nie vyjšaŭ na kantakt ź niemcami?» Da kaho źviarnuŭsia Łatuška?
Łatuška: My vystupajem za toje, kab na vybarach hałasavać suprać usich
Abmienieny rasijski špijon jak minimum dva razy prychodziŭ u ofis da Łatuški
Ciapier čytajuć
«Tolki try čałavieki buduć viedać pra vas. Samy pieršy čałaviek krainy». Źjavilisia zapisy razmoŭ špijonki Iny Kardaš z kurataram25
«Tolki try čałavieki buduć viedać pra vas. Samy pieršy čałaviek krainy». Źjavilisia zapisy razmoŭ špijonki Iny Kardaš z kurataram
«Łukašenka pavinien panieści adkaznaść za saŭdzieł u rasijskaj ahresii». Ministr zamiežnych spraŭ Ukrainy raskazaŭ pra novuju palityku ŭ dačynieńni da Biełarusi2424
Kamientary