«Takoje možna ŭbačyć tolki ŭ kino». Estonski fatohraf źniaŭ navalnicu padčas paŭnočnaha źziańnia FOTY
Fatohraf estonskaha mietearałahičnaha ahienctva zdoleŭ źniać razrady małanki padčas paŭnočnaha źziańnia. Fatahrafijami niezvyčajnaha spałučeńnia pryrodnych źjaŭ jon padzialiŭsia ŭ sacsietcy X, zaŭvažyŭ Telegraf.news.
«Ščyra kažučy, ja vielmi rady, ale krychu zasmučany. Učora ŭviečary mnie ŭdałosia sfatahrafavać i paŭnočnaje źziańnie, i asobnyja navalnicy. Na žal, maje fatahrafii akazalisia krychu nie ŭ fokusie, nastupnym razam treba być bolš uvažlivym», — napisaŭ estonski fatohraf Kair Kicak u supravadžeńni da pasta z fotazdymkami ŭ Ch.
Kamientatary, adnak, nie pahadzilisia i pryjšli ŭ zachapleńnie.
«Heta sapraŭdnaja fantastyka, heta hrom + paŭnočnaje źziańnie. Zvyčajna takoje možna ŭbačyć tolki ŭ kino», — napisaŭ adzin z padpisčykaŭ.
«Nievierahodnyja fatahrafii! Ubačyć heta asabista — nievierahodny dośvied!», — vykazaŭsia jašče adzin kamientatar.
«Hetyja fota — adny z samych pryhožych vyjaŭ, jakija ja kali-niebudź bačyŭ», — zachapiŭsia jašče adzin karystalnik sacsietki.
U niebie nad Biełaruśsiu zaŭvažyli niezvyčajnaje śviačeńnie. Što heta było?
U Ivacevickim rajonie zafiksavali niezvyčajnuju atmaśfiernuju źjavu. I heta nie paŭnočnaje źziańnie FOTY
Nad Biełaruśsiu nočču možna było lubavacca paŭnočnym źziańniem FOTA
«Na Špicbierhienie zabaroniena chavać ludziej». Biełaruska raskazała, jak praviała 50 dzion u samym paŭnočnym pasieliščy śvietu
Čamu paŭnočnaje źziańnie składana pabačyć u Minsku?
Niežyvym znojdzieny ŭ Varšavie Źmicier Kaśpiarovič — 43-hadovy były palitviazień, zavierbavany KDB6
Kamientary