Sport44

Alimpijadu ŭ Paryžy zakryjuć zorki? Što viadoma pra šou ŭ niadzielu

Zorki pieršaj vieličyni i vidoviščnaje dvuchhadzinnaje šou čakajuć udzielnikaŭ i hledačoŭ Alimpijady zaŭtra. Cyrymonija zakryćcia, upeŭnienyja francuzskija ŭłady, čarhovym razam «aślepić usich».

Cyrymonija adkryćcia ŭraziła mnohich

Cyrymonija adkryćcia Alimpijady ŭ Paryžy stała jarkaj kulturnaj padziejaj, sprečki vakoł jakoj nie ścichajuć pa hety dzień. Źjavilisia niezadavolenyja, i da spravy padklučyłasia francuzskaja palicyja; tam zaviali spravu pra pahrozy ŭ adras mastackaha kiraŭnika šou Tama Žali i jaho kamandy, piša Euronews.com

Ciapier Francyja i śviet rychtujucca da zakryćcia Hulniaŭ, jano adbudziecca 11 žniŭnia ŭ niadzielu (pačatak a 21:15 pa minskim časie). Pavodle Le Parisien, na šou vystupiać dźvie kultavyja francuzskija hrupy, Phoenix i AIR, viadomyja svaimi ekśpierymientami z hukam.

Ci tak heta, śviet daviedajecca tolki ŭ niadzielu. Pakul aficyjna pra cyrymoniju viadoma tolki toje, što jana nosić nazvu Records, doŭžycca dźvie hadziny i projdzie na stadyjonie Stade de France. Ministr sportu Francyi Amieli Udea-Kastera ŭžo zajaviła Radyjo France Info, što «absalutna ŭpeŭnienaja»: «Žali i jaho kamanda znoŭ «aślepiać usich».

Fota: Chris Pizzello / AP

Siarod zorak, jakija mohuć źjavicca na cyrymonii, krynicy nazyvajuć Snup Doha i samu Tejłar Śvift. Apošniaja ŭžo prymała ŭdzieł u proma-rolikach u padtrymku kamandy ZŠA. Žurnalisty miarkujuć, što zorka prylacić na niadzielny vystup ź Vieny, dzie admianili jaje kancerty.

Rajan Hoślinh i Marho Robi. Fota: Wiktor Szymanowicz/Anadolu Agency via Getty Images

Siarod inšych zorak, zaŭvažanych u Paryžy, jak miarkujecca, dla ŭdziełu ŭ cyrymonii zakryćcia — režysior filma «Barbi» Hreta Hiervih, a taksama Mišel Jiea, Rajan Hoślinh i Jeva Miendes. Chadzili čutki, što na šou 11 žniŭnia moža prylacieć i sam Leanarda Dy Kaprya.

Francuzski arhkamitet kamientaroŭ čakana nie daje. Adnak tam paćvierdzili, što Stade de France budzie pieraŭtvoranaja ŭ hihanckuju kancertnuju zału, u jakoj razam z zorkami pieršaj vieličyni vystupiać sotni artystaŭ, tancoraŭ i cyrkačoŭ.

Toma Kruza (źleva) fatahrafujuć hledačy spabornictvaŭ u Paryžy. Fota: Charlie Riedel / AP

Adrazu niekalki krynic kažuć, što na cyrymonii dakładna budzie Tom Kruz, jaki vykanaje niebiaśpiečny truk. Kažuć i toje, što skačok nastolki surjozny, što nie vyklučana pryciahnieńnia kaskadzioraŭ…

Tak ci inakš tym Kruz vidavočna zachopleny idejaj Alimpijady, jon byŭ zaŭvažany na mnohich padziejach ciapierašnich hulniaŭ. A ŭ 2004 hodzie jon dapamoh pranieści pachodniu z alimpijskim ahniom praz Łos-Andželes u ramkach suśvietnaj estafiety pierad letnimi Alimpijskimi hulniami ŭ hreckich Afinach.

Kamientary4

  • babrujčanin
    10.08.2024
    Nažal ni dažyŭ ni ubačył ....Bora Maisiejeŭ
  • Čiełoviek
    10.08.2024
    Liš by nie transy
  • Dog
    10.08.2024
    Davajtie zakryvajtieś pobystrieje. Žałkoje takoje zrieliŝie parižskaja olimpiada.

Ciapier čytajuć

Pajšoŭ z žyćcia 32-hadovy Maksim Čarniaŭski — zasnavalnik supołki «Nadakučyŭ nam hety Łukašenka» pačatku 2010-ch22

Pajšoŭ z žyćcia 32-hadovy Maksim Čarniaŭski — zasnavalnik supołki «Nadakučyŭ nam hety Łukašenka» pačatku 2010-ch

Usie naviny →
Usie naviny

Saakašvili pryhavaryli jašče da čatyroch z pałovaj hadoŭ turmy3

Rasija patrabuje «žalezabietonnych harantyj» nieŭstupleńnia Ukrainy ŭ NATA9

Rełakanty ŭ Litvie zapłaciać dvojčy? Raźbirajemsia, jak žyć biez pahadnieńnia ab padatkach8

Na adnym ź minskich plažaŭ źjaviacca podyumy dla zaharu

Na Daŭhinaŭskim trakcie pierakuliŭsia aŭtamabil. Ludzi sami vyleźli ź jaho

Dziaržsakratar ZŠA raskazaŭ pra dva płany vyrašeńnia kanfliktu va Ukrainie10

U Biełaruś prylacieli pieršyja busły2

Turčyn zajaviŭ pra ryzyku «čornych lebiedziaŭ» u ekanomicy10

Tramp maje namier pahavaryć z Pucinym zaŭtra3

bolš čytanych navin
bolš łajkanych navin

Pajšoŭ z žyćcia 32-hadovy Maksim Čarniaŭski — zasnavalnik supołki «Nadakučyŭ nam hety Łukašenka» pačatku 2010-ch22

Pajšoŭ z žyćcia 32-hadovy Maksim Čarniaŭski — zasnavalnik supołki «Nadakučyŭ nam hety Łukašenka» pačatku 2010-ch

Hałoŭnaje
Usie naviny →

Zaŭvaha:

 

 

 

 

Zakryć Paviedamić