Vajskoŭcy USU, jak miarkujecca, zajšli ŭ siało Poraz u rasijskaj Biełharadskaj vobłaści. Hubiernatar hetaj vobłaści zajaviŭ, što ŭjezd u siało zakryty, piša «Ukrainskaja praŭda».
U subotu ŭ sacsietkach źjaviłasia videa, na jakim ukrainskija vajskoŭcy śćviardžajuć, što znachodziacca ŭ rasijskim siale Poraz, što ŭ Biełharadskaj vobłaści. Na videa vajskoviec pradstaŭlajecca bajcom 252-ha bataljona, a ŭ rukach bajcy trymajuć, akramia ŭkrainskaha, jašče i hruzinski ściah.
Videa sapraŭdy źniataje na fonie sielskaha kłuba ŭ Porazie, vyśvietlili analityki VoxCheck sumiesna z kanałam «Suśpilnie». Adlehłaść ad hetaha kłuba da najbližejšaha punktu miažy z Ukrainaj pa pramoj — da 3-ch kiłamietraŭ. Dakładnaja data zdymki — nieviadomaja.
U toj ža čas hubiernatar Biełharadskaj vobłaści Viačasłaŭ Hładkoŭ zajaviŭ, što ŭ situacyi ŭ Porazie buduć raźbiracca pradstaŭniki siłavych struktur, a pakul ujezd u siało zakryty ŭ ramkach abvieščanaha ŭ rehijonie režymu «kontrterarystyčnaj apieracyi».
Pavodle hubiernatara:
«Pastupaje supiarečlivaja infarmacyja: z adnaho boku, my ŭsie bačyli rolik, jaki źniaty na fonie sielskaha Doma kultury, z druhoha boku, žychary, jakija tolki što vyjechali, kažuć, što praciŭnika nie bačyli i stralby nie čuli».
U troch rasijskich abłaściach uviali režym kontrterarystyčnaj apieracyi. Adna ź ich miažuje ź Biełaruśsiu
MZS Biełarusi nazvała «aktam teroru» dziejańni USU ŭ Kurskaj vobłaści
«Padłavili va ŭpor sa Stynhiera». U Kurskaj vobłaści źbili rasijski viertalot Ka-52
Łukašenka: USU prasunulisia na niekalki dziasiatkaŭ kiłamietraŭ u Kurskaj vobłaści — 30-35 užo siońnia
ISW: Rasijskaje kamandavańnie supraciŭlajecca pierakidcy ŭ Kurskuju vobłaść bolš padrychtavanych častak z frontu
Pamior 50-hadovy śpiecnazaviec Bućko. Jon byŭ udzielnikam vykradańnia i zabojstva Zacharanki i Hančara37
Kamientary