«Miedyja-Paleśsie»: Chutčej za ŭsio, zatrymany staršynia Stolinskaha rajvykankama
Pa infarmacyi niekalkich krynic vydańnia «Miedyja-Paleśsie» z Łuninieckaha i Stolinskaha rehijonaŭ, staršynia Stolinskaha rajvykankama Alaksandr Pačko byŭ zatrymany na terytoryi mikaševickaha prafiłaktoryja «Śvitanak». Ci adpačyvaŭ jon tam, ci znachodziŭsia pa inšych spravach — pakul nie paviedamlajecca.
Alaksandr Pačko nibyta padazrajecca ŭ atrymańni chabaru. Zatrymanaha etapavali ź Mikaševičaŭ u Homiel.
Na sajcie Stolinskaha rajvykankama ŭ raździele «Kiraŭnictva» Alaksandr Pačko pa-raniejšamu paznačany jak staršynia, a kantaktny telefon, paznačany na sajcie, nie adkazvaje. U telehram-kanale rajvykankama navinaŭ z udziełam kiraŭnika nie było z 29 studzienia, choć raniej jon źjaŭlaŭsia rehularna.
Pa źviestkach «Miedyja-Paleśsie», 9 lutaha pasiadžeńnie rajvykankama prachodziła pad staršynstvam pieršaha namieśnika staršyni Vasila Litvinkieviča. Taksama i 16 lutaha pašyranaje aparatnaje pasiadžeńnie adbyvałasia pad jaho kiraŭnictvam.
Uradženiec vioski Biełavuša na Stolinščynie Alaksandr Pačko staŭ staršynioj Stolinskaha rajvykankama 17 krasavika 2025 hoda, viarnuŭšysia na radzimu paśla 10 hadoŭ raboty staršynioj Łuninieckaha i Kobrynskaha rajvykankamaŭ. Kiraŭnikom jon ličyŭsia niebłahim: padčas jaho pracy ŭ Łuninieckim rajonie pakazčyki raźvićcia pavialičylisia amal udvaja, a ŭ Kobrynskim taksama dasiahnutyja stanoŭčyja vyniki.
U dzień jaho pryznačeńnia staršyniom Stolinskaha rajvykankama anałahičnuju pasadu ŭ Drahičynskim rajonie atrymaŭ i jahony brat Siarhiej. Pra bratoŭ-kiraŭnikoŭ zrabili vialiki siužet na BT.
Kamientary
Udvaja ad čaho? Ad davajennahaha uzrouniu?
Ad rastva Chrystova??)
Hetyja maładyja brsmaúcy ničoha nie viedajuć, nie žadajuć viedać i nie biełaruskija ad słova "zusim"!
Katedžy, bumiery, paluboúnicy...