Novy artykuł u Kryminalnym kodeksie: da 6 hadoŭ za raspaŭsiud infarmacyi pra pieramiaščeńnie vajskovaj techniki
Na Nacyjanalnym pravavym partale źjavilisia prapanovy ŭ Kryminalny kodeks, raspracavanyja pa zahadzie Alaksandra Łukašenki.
Siarod ich źjaŭleńnie novaha artykuła:
«Artykuł 375-3. Niesankcyjanavanaje raspaŭsiudžvańnie infarmacyi ab raźmiaščeńni abo pieramiaščeńni padraździaleńniaŭ, uzbrajeńnia, vajskovaj techniki i bojeprypasaŭ».
Hety artykuł budzie nabyvać siłu padčas praviadzieńnia kontrterarystyčnaj apieracyi, dziejańniaŭ nadzvyčajnaha albo vajennaha stanovišča, ale pry ŭmovie, što niama prykmiet dziaržaŭnaj zdrady, špijanažu ci razhałošvańnia dziaržaŭnaj tajamnicy.
Raspaŭsiud infarmacyi budzie karacca štrafam, abo aryštam, abo chimijaj na termin da 3 hadoŭ, abo kałonijaj na toj ža termin.
A voś kali dziejańnie było ździejśnienaje hrupaj asob pa papiaredniaj zmovie, abo z karyślivych mierkavańniaŭ, abo paciahnuła ciažkija nastupstvy, to adkaznaść pavialičvajecca — albo chimija da 5 hadoŭ, albo kałonija da 6 hadoŭ.
Biełarusaŭ karajuć za raspaŭsiud infarmacyi pra pieramiaščeńnie vajskovaj techniki i ciapier. Ale im inkryminujecca «ŭdzieł u ekstremisckim farmiravańni» — bo zvyčajna videa z vajskovaj technikaj pierasyłajuć u telehram-kanały, a jany amal usie pryznanyja ekstremisckimi.
-
Antanina Kanavałava raskazała, jak jaje prymušali padpisać prašeńnie pra pamiłavańnie
-
«Ja pieršamajskaje bydła i limita, bazaru nul. Ale blizki da centra pryniaćcia rašeńniaŭ». Što Tur piša pad psieŭdanimam u «ekstremisckim» čacie
-
«Chapaj jaje za azadak, zaciahni ŭ tualet». U Varšavie zajavili ŭ prakuraturu na pikap-treniera ź Biełarusi Aleksa Leśli
«Ja pieršamajskaje bydła i limita, bazaru nul. Ale blizki da centra pryniaćcia rašeńniaŭ». Što Tur piša pad psieŭdanimam u «ekstremisckim» čacie19
Kamientary