Hiermanija vydała ordar na aryšt padazravanaha ŭ padryvie «Paŭnočnaha patoku». Abvieščany ŭ vyšuk Volodymyr Z
Niamieckaja prakuratura vydała ordar na aryšt ukrainca z-za padryvu «Paŭnočnaha patoku» ŭ Bałtyjskim mory, paviedamlaje niamiecki viaščalnik ARD. Pavodle viersii śledstva, jon nibyta apošnim časam znachodziŭsia ŭ Polščy.
Taksama padazrajuć jašče dvuch hramadzian, adnak ich imiony nie vydajuć. ARD piša, što jany, vierahodna, udzielničali ŭ padryvie ŭ jakaści dajvieraŭ.
44-hadovaha Uładzimira Žuraŭlova vysačyli niamieckija śledčyja paśla taho, jak aŭtamabil, u jakim jon jechaŭ, trapiŭ na kamieru kantrolu chutkaści niedaloka ad porta, adkul adpłyło sudna «Andramieda» — jak miarkujecca, z dyviersantami, piša Expressen. Žuraŭloŭ žyvie ź siamjoj u pryharadzie Varšavy, ale źjaŭlajecca hramadzianinam Ukrainy. Prapisany jon u Kijevie.
Dva inšyja padazravanyja, mužčyna i žančyna, taksama źjaŭlajucca hramadzianami Ukrainy i razam kirujuć dajvinh-kampanijaj va Ukrainie, ź jakoj źviazany Žuraŭloŭ. Pa danych śledstva, va ŭsich jość nieabchodnyja kvalifikacyja i ryštunak, a taksama licenzii na dajvinh sa śpiecyjalnym abstalavańniem.
U kancy červienia Hiermanija nakiravała Polščy zapyt ab pravavoj dapamozie i jeŭrapiejski order na aryšt. Ale polskija ŭłady dahetul nie adreahavali na hety zapyt, i, jak paviedamlajecca, Žuraŭloŭ schavaŭsia.
U sakaviku 2023 hoda prezident Ukrainy Uładzimir Zialenski na pytańnie «Suśpilnaha» zajaviŭ, što Ukraina nie datyčnaja da padryvu hazapravodaŭ. Pavodle jaho słoŭ, takuju infarmacyju mohuć raspaŭsiudžvać, kab zapavolić dapamohu Ukrainie.
U listapadzie 2023 hoda hazieta The Washington Post apublikavała artykuł, u jakim pisała, što kaardynavaŭ padryŭ hazapravoda nibyta ŭkrainski aficer Čarvinski, jakoha va Ukrainie abvinavačvajuć u dačynieńni da abstrełu aeradroma «Kanatava» i pieravyšeńni słužbovych paŭnamoctvaŭ.
Svaju datyčnaść jon admaŭlaje. Vybuch na «Paŭnočnym patoku» adbyŭsia 26 vieraśnia 2022 hoda. Danija i Šviecyja ŭžo zaviaršyli rasśledavańnie biez kryminalnaj spravy.
Chto taja biełaruska, jakuju ekstradavali ŭ ZŠA dla suda za kantrabandu detalaŭ dla samalotaŭ8
Chto taja biełaruska, jakuju ekstradavali ŭ ZŠA dla suda za kantrabandu detalaŭ dla samalotaŭ
«Kab Biełaruś nie addali Pucinu ŭ jakaści suciašalnaha pryza». Cichanoŭskaja zaklikaje ŭklučyć biełaruskaje pytańnie ŭ mirnyja pieramovy Ukrainy i Rasii3434
Kamientary