Adnym z samych jarkich mierapryjemstvaŭ dvuchdzionnaj prahramy śviatkavańnia Dnia horada ŭ Hrodnie maje stać Fiestyval lichtarykaŭ. Jon adbudziecca ŭviečary 4 vieraśnia ŭ Šviejcarskaj dalinie pa abodva baki mosta na vulicy Ažeški.
Žychary i hości Hrodna zmohuć apuścić na vadu zapalenyja lichtaryki ŭ vyhladzie łotasaŭ i kuboŭ, zahadvać žadańni i nazirać, jak na vodnaj pavierchni zaharajucca sotni ciopłych ahieńčykaŭ.
Asablivaj častkaj afarmleńnia stanie vialiki śviatlivy Miesiac, ustalavany niepasredna na vadzie. Hety art-abjekt, jak čakajecca, stanie adnoj z hałoŭnych fotazon śviata.
Z 20:00 śviatočnuju atmaśfieru dapoŭnić muzyčnaja prahrama z udziełam navučencaŭ dziciačych muzyčnych škoł horada.
Fiestyval stanie častkaj vialikaj prahramy, prymierkavanaj da Dnia horada. 4 i 5 vieraśnia ŭ Hrodnie taksama zapłanavanyja kancerty, fiestyvali i inšyja śviatočnyja mierapryjemstvy. Siarod hałoŭnych padziej — vystupleńnie rasijskaha śpievaka MOTa na płoščy Lenina, Syrny fiestyval, vialikaja kancertnaja prahrama i śviatočny fiejervierk u 22:00.
Kamientary