Biznesoviec ź Pieciarburha, jaki zarablaje na pachavańni zahinułych na vajnie, zapatrabavaŭ ad mužčyn pierastać adjazdžać z Kurska
Prapahandyst Dźmitryj Ściešyn 18 žniŭnia apublikavaŭ videa, na jakim, pavodle jaho słoŭ, vajskoviec krytykuje žycharoŭ Kurska, jakija vyjazdžajuć z-pad abstrełaŭ. «Ahienctva» ŭstanaviła asobu «vajskoŭca». Im vyjaviŭsia dyrektar hranitnaj majsterni z Sankt-Pieciarburha, jakaja vyrablaje pomniki i dapamahaje chavać zahinułych vajskoŭcaŭ.
«Chočacca źviarnucca da mužčynskaha nasielnictva Kurska: vy tam čaho, naohuł, bł*dź, usio pierabłytali? Kudy vy jedziecie, rodnyja? Kali, bł*dź, u nas usie mužyki buduć uklučać zadniuju i źjazdžać z haradoŭ, na jakija buduć nanosicca ŭdary, što naohuł budzie? Vy što robicie? Vy nie možacie ŭziać zbroju ŭ ruki? Nu tady vaźmicie rydloŭki, bł*dź, kapajcie pacanam akopy, ja nie viedaju, razvoźcie charčavańnie, bł*dź. Kudy vy jedziecie?»— aburajecca mužčyna na videa.
«Vy, bł*dź, končanyja? Ja nie viedaju, u nas u Pieciarburhu supolnaść našych vieteranaŭ ciapier usia na niervach siadzić i dumaje, jak by im uziać zbroju i pajechać, jak damovicca, kab dazvolili. Spyniciesia, bł*dź», — zaklikaŭ jon miascovych žycharoŭ.
Pavodle analizu «Ahienctva», na videa 39-hadovy žychar Sankt-Pieciarburha Kirył Suvoraŭ (da 2020 hoda Ułasikaŭ).
Jon hiendyrektar kampanij «Hranitny zavod 1»(Sankt-Pieciarburh) i «Pieršy hranitny zavod» (Karelija), u druhoj taksama vałodaje dolaj u 25,5%.
Kampanija «Hranitny zavod 1», piša vydańnie, pracuje pad brendam hranitnaja majsternia «Suvorov'».
Na sajcie majsterni paznačana, što kampanija ŭžo šmat hadoŭ absłuhoŭvaje klijentaŭ pa ŭsioj Leninhradskaj vobłaści. Akramia vyrabu pomnikaŭ i nadmahillaŭ, jana taksama prapanuje pasłuhi kremacyi, pachavańnia i dastaŭki «hruzaŭ 200». Majsternia abiacaje svajakam zahinułych vajskoŭcaŭ dapamahčy z padrychtoŭkaj papier, supravadžeńniem niabožčyka i kuplaj kvitkoŭ na luby vid transpartu.
«Ahienctva» datelefanavałasia da Suvorava. Jon paŭtaryŭ, što ličyć niapravilnaj situacyju, kali mužčyny-žychary Kurskaj vobłaści źjazdžajuć z zony bajavych dziejańniaŭ. Sam jon skazaŭ, što jeździć na «SVA» z humdapamohaj.
Na pytańnie, ci źbirajecca jon sam pajechać na vajnu, Suvoraŭ admoviŭsia adkazvać.
Ciapier čytajuć
Chitry rasijanin Jaŭhien z žonkaj i małym prydumali, jak biaspłatna pažyć u kvatery biełaruski20
Chitry rasijanin Jaŭhien z žonkaj i małym prydumali, jak biaspłatna pažyć u kvatery biełaruski
«Ja nie bomž, u mianie navat biełyja škarpetki». U Minsku dziaŭčyna z Łuhanska raskłała pałatku prosta ŭ padjeździe šmatpaviarchovika, ustryvožyŭšy žycharoŭ2020
Kamientary