Načalnik Hałoŭnaha ŭpraŭleńnia raźviedki Ministerstva abarony Ukrainy Kiryła Budanaŭ raspavioŭ vydańniu The War Zone, što celami ŭkrainskich bieśpiłotnikaŭ, jakija ŭ sieradu atakavali rasijskuju terytoryju, byli centr radyjosuviazi, aeraport u Maskvie i avijabaza ŭ Rastoŭskaj vobłaści, piša Bi-bi-si
«Siońnia [u sieradu] my praviali niekalki apieracyj z vykarystańniem bieśpiłotnikaŭ», — skazaŭ Budanaŭ.
Akramia ataki na centr radyjotechničnaj raźviedki (Budanaŭ nie ŭdakładniŭ, dzie jon znachodzicca), udary byli naniesienyja pa aeraporcie «Astafjeva» ŭ Maskvie i avijabazie «Milerava» ŭ Rastoŭskaj vobłaści.
Usiaho było zadziejničana kala 50 bieśpiłotnikaŭ, skazaŭ Budanaŭ. Maštaby škody, pavodle jaho słoŭ, vyśviatlajucca.
Pa dadzienych sistemy pažarnaj infarmacyi NASA, ni ŭ «Astafjeva», ni ŭ «Milerava» pažaraŭ nie było, piša The War Zone.
Rasijskija ŭłady napiaredadni zajavili, što źbili ŭsie bieśpiłotniki, jakija atakavali rasiejskija rehijony. Minabarony Rasii paviedamlała ab 45 źbitych dronach.
Pazaminułaj nočču mer Maskvy Siarhiej Sabianin paviedamiŭ ab 10 źbitych bieśpiłotnikach u rajonie Padolska i nazvaŭ ataku adnoj z samych maštabnych za ŭvieś čas.
Padolsk znachodzicca pobač z aeraportam «Astafjeva», jaki vykarystoŭvajuć rasijskija vajskoŭcy.
-
ZŠA abiacajuć pavialičyć pastaŭki zbroi Ukrainie, ale nastojvajuć na «samaabaronie Jeŭropy» ŭžo da 2027 hoda
-
Rasijanie masiravanym udaram atakavali Kremienčuh: u horadzie źnikli elektryčnaść, vada i aciapleńnie
-
Častka Biełharada zastałasia bieź śviatła paśla taho, jak na horad upała rasijskaja bomba
Ciapier čytajuć
Raptoŭna pamior Uładzimir Usier — niemałady aktyvist, jaki ŭlapaŭsia ŭ film BT i špijanaž u Polščy27
Kamientary