Franak Viačorka prakamientavaŭ spravu departavanych sa Šviecyi biełarusaŭ
Ofis Śviatłany Cichanoŭskaj ź minułaha tydnia sočyć za spravaj, źviazanaj z vysyłkaj na radzimu zatrymanaha paśla biełaruskaha hramadzianina i «ŭdziačnyja «narodnaj ambasadzie» ŭ Šviecyi za toje, što źviarnuli ŭvahu na hety vypadak», zajaviŭ u kamientary vydańniu «Pozirk» hałoŭny daradca palityka Franak Viačorka.
«Ciapier sprabujem vyśvietlić usie abstaviny spravy, i kali infarmacyja paćvierdzicca, to budziem rabić usio mahčymaje, kab nie dapuścić paŭtareńnia takich situacyj u budučyni. My prapanujem uvieści maratoryj na vysyłku biełaruskich hramadzian u Biełaruś», — zajaviŭ Viačorka.
Pa jaho słovach, Ofis źviazaŭsia z pradstaŭnikami šviedskich uładaŭ pa hetaj spravie. Takija spravy «znachodziacca ŭ kampietencyi mihracyjnaj słužby Šviecyi, nie ŭrada», i ŭ Ofisie spadziajucca «atrymać bolš jasnaści nieŭzabavie», dadaŭ Viačorka.
«My praciahvajem supracoŭnictva sa šviedskimi ŭładami i biełaruskaj dyjasparaj u Šviecyi ŭ napramku spraščeńnia lehalizacyi dla biełarusaŭ, vydačy dakumientaŭ i DNŽ, damahlisia vydačy prajaznych dakumientaŭ (pašpartoŭ inšaziemca)», — paviedamiŭ jon.
Viačorka adznačyŭ, što dziakujučy pracy demsiłaŭ Biełarusi i šviedskich uładaŭ «niadaŭna była źmienienaja acenka situacyi ŭ krainy, što pavinna dapamahčy ź lehalizacyjaj biełarusaŭ» u krainie:
«Na žal, heta nie vyrašyła pytańnie prytułku dla biełarusaŭ. U pieršuju čarhu, heta źviazana z pracaj mihracyjnaj słužby Šviecyi, jakaja čaściej za ŭsio prymaje rašeńni nie na karyść biełarusaŭ».
@nashaniva Šviecyja admoviła biełarusu ŭ prytułku — jaho aryštavali na radzimie #biełaruś #šviecija #minsk #hranica #miaža #šviedy #biełarusy #viza #pojezdka #emihracija #pieriejezd #putiešiestvije #našaniva ♬ Last Hope - Steve Ralph
Ciapier čytajuć
Kaśpiarovič pamior try dni tamu, ale cieła znajšli tolki ciapier1
Kamientary
" žałaśnikaŭ mnoha , dy pamahčy nikoha "