Karpienka zajaviŭ, što pačynajecca padrychtoŭka arhanizataraŭ vybaraŭ
Staršynia CVK raspavioŭ žurnalistam ab chodzie padrychtoŭki da prezidenckich vybaraŭ u 2025 hodzie, piša BiełTA.
Zaviaršeńnie luboj vybarčaj kampanii daje start padrychtoŭcy da nastupnaj vybarčaj kampanii, zrabiŭ akcent Ihar Karpienka. «Faktyčna my analizujem, što prachodziła, jak prachodziła, jak užyvałasia zakanadaŭstva, ci jość nieabchodnaść unosić źmieny, dapaŭnieńni ŭ zakanadaŭčyja akty», — rastłumačyŭ jon.
Staršynia CVK raspavioŭ ab padrychtoŭcy patencyjnych arhanizataraŭ vybaraŭ. «Na sistemnaj asnovie my pačali hetuju padrychtoŭku (patencyjnych arhanizataraŭ) praz Akademiju kiravańnia. Vychodzim na łakalnuju padrychtoŭku ŭ rehijonach. U pryvatnaści, na bazie instytutaŭ raźvićcia adukacyi, u tym liku i ŭ Homieli, adkryvajem adpaviednyja kursy dla tych patencyjna ludziej, jakija zaŭtra buduć pracavać u kamisijach — terytaryjalnych, akruhovych, učastkovych, jakija buduć na praktycy realizoŭvać vybarčy praces», — raspavioŭ staršynia CVK.
«My hatovyja da zaviaršalnaha etapu toj palityčnaj madernizacyi, čym budzie vybarčaja kampanija prezidenta. Parłamient krainy prymie rašeńnie, kali buduć hetyja vybary. Jak tolki budzie pryniataja pastanova, CVK pačnie arhanizacyju ŭsich pracesaŭ, jakija pavinny prajści ŭ adpaviednaści z zakanadaŭstvam», — padsumavaŭ Ihar Karpienka.
Prezidenckija vybary ŭ 2025 hodzie pavinny prajści nie paźniej za 20 lipienia 2025 hoda. «Biełpoł» sa spasyłkaj na svaje krynicy śćviardžaje, što vybary praviaduć u apošniuju niadzielu zimy — 23 lutaha 2025 hoda.
Ciapier čytajuć
Advakat Dźmitryj Lepretar raskazaŭ pra biełyja plamy ŭ spravie ab terakcie ŭ mietro9
Kamientary