Harbunova: «A Palina Šarenda-Panasiuk? Dziela čaho hetaja baraćba? Jana biessensoŭnaja»
Byłaja «ministarka pa palitviaźniach» upeŭnienaja, što Alaksandr Łukašenka ščyra choča pieraharnuć staronku.
Adzin z samych nieadnaznačnych momantaŭ prahramnaha intervju Volhi Harbunovaj na «Radyjo Svaboda» — jaje rezkija zaŭvahi pra «biessensoŭnaść baraćby», pramoŭlenyja ŭśled za zhadkaj imieni palitźniavolenaj Paliny Šarendy-Panasiuk.
Bresckaja aktyvistka Palina Šarenda-Panasiuk znachodzicca za kratami sa studzienia 2021 hoda. Pieršasna joj prysudzili dva hady źniavoleńnia, ale ŭžo dvojčy nakidvali jašče pa hodzie kałonii za «niepadparadkavańnie patrabavańniam administracyi». Ciapier Palinu čakaje čarhovy sud.
U śniežni 2022 hoda Volha Harbunova była pryznačanaja ministarkaj pa sacyjalnaj palitycy ŭ Abjadnanym pierachodnym kabiniecie, faktyčna adkaznaj za palitviaźniaŭ. Ciapier jana abvieściła ab svajoj adstaŭcy i raskazała pra idejnuju niazhodu z raniejšymi paplečnikami.
Harbunova zapeŭnivaje, što režym Alaksandra Łukašenki choča pieraharnuć staronku i ŭ hetym nie kryvadušničaje.
«Ci pierakananyja vy, što režym choča pieraharnuć staronku?», — pierapytvaje ŭ jaje «Radyjo Svaboda».
«A jakaja pierśpiektyva? Moj asabisty intares — viarnucca dadomu, abniać rodnych, sadžać drevy i niejak samarealizoŭvacca. Žyćcio mnie pakazała, što idej moža być mnoha. U ludziej, jakija ciapier u novaj kamandzie ŭ Minsku, na dobrym uzroŭni pryniaćcia rašeńniaŭ jość mnoha pierśpiektyŭ i mahčymaściaŭ. Ja miarkuju, što jość bačańnie, bo jość adpaviedny bekhraŭnd.
Što da pazicyi mižnarodnaj supolnaści, jakaja nie viadzie pieramovaŭ z terarystami… My pabačyli 1 žniŭnia vialiki abmien z vychadam rasijskich palitviaźniaŭ. Heta sihnał dla nas, što nasamreč jość i zachoŭvajecca šmat mahčymaściaŭ. Tut pytańnie, na jakuju dapamohu my možam raźličvać… Kaho realna niepakoić los Maryi Kaleśnikavaj, jakaja važyć 45 kiłahramaŭ pry roście 175 santymietraŭ, jakaja znachodzicca ŭ absalutnaj izalacyi… Ja nie ŭjaŭlaju, jak stolki času znachodzicca ŭ adzinočnym źniavoleńni.
Miž inšym, Kaleśnikava zaŭsiody vystupała za mirnyja pieramovy, za dyjałoh z uładami. Zhadajcie jaje źjaŭleńnie na vulicach Minska, kali jana była na svabodzie. A Palina Šarenda-Panasiuk? Dziela čaho hetaja baraćba? Jana biessensoŭnaja. Prosta źniščeńnie čałavieka i siamji»,
— adkazała Volha Harbunova.
-
MARH dałučyła da pahadnieńnia ab prasoŭvańni biełaruskich tavaraŭ novych bujnych hulcoŭ. Siarod ich — uładalnik «Tabakierak»
-
«Drahičynskaje mora»: u horadzie padtapiła miescy, dzie raniej nie prybrali śnieh
-
Biełarusam, jakija siadziać na chatniaj chimii za palityku, prapanujuć palohku — pierajści na papraŭčyja raboty
Ciapier čytajuć
Biełarusam, jakija siadziać na chatniaj chimii za palityku, prapanujuć palohku — pierajści na papraŭčyja raboty4
Biełarusam, jakija siadziać na chatniaj chimii za palityku, prapanujuć palohku — pierajści na papraŭčyja raboty
U jakoj raźviedki była najlepšaja infarmacyja ź Biełarusi ŭ lutym 2022 i chto paviedamiŭ Budanavu, što asnoŭny ŭdar rasijan budzie na Hastomiel. Źjaviłasia vialikaja publikacyja1919
Kamientary