Dom zahinułych dziaciej pad Krasnajarskam pravietryvaŭsia paśla apracoŭki dychłafosam
Dom siamji, u jakoj zahinuła čaćviora dziaciej ad atručvańnia, dźvie hadziny pravietryvaŭsia paśla vykarystańnia dychłafosu. Zahinuć ad jaho jany nie mahli, zajaviŭ TASS dziadźka zahinułych dziaciej Alaksiej Vinahradaŭ.
«Ja nie vieru ŭ viersiju atručvańnia dziaciej dychłafosam, bo dakładna viedaju, što dom paśla vykarystańnia srodku pravietryvaŭsia minimum dźvie hadziny. A potym, paśla pravietryvańnia, dzieci byli jašče niejki čas na vulicy i nie zachodzili ŭ dom», — paviedamiŭ Vinahradaŭ.
Śledstva razhladaje niekalki viersij atručvańnia, siarod jakich adna z asnoŭnych — atručeńnie ŭ vyniku udychańnia paroŭ insiektycydnym aerazolem. Raniej SK paviedamlaŭ, što ŭ probach atručanaj siamji byli vyjaŭlenyja ślady insiektycydnaha srodku ad nasiakomych. Pavodle papiaredniaj infarmacyi, u probach byli vyjaŭlenyja ślady pipieraniłbutaksidu, jaki ŭvachodzić u skład dychłafosu.
Miedycynski dyrektar Instytuta analityčnaj taksikałohii kandydat miedycynskich navuk Siarhiej Łaŭcevič (Sankt-Pieciarburh) raspavioŭ TASS, što dla atručvańnia dychłafosam nieabchodnaja jaho vielmi vialikaja kancentracyja.
«Aerazol u dychłafosie — heta naohuł vielmi tonkaja plonka, jakaja moža na niešta asieści. To-bok, heta treba było, umoŭna kažučy, myć posud dychłafosam, kab atrucicca. Ale i toje, ja kažu, što heta nie taja doza, jakaja mahła pryvieści da takoha vyniku», — adznačyŭ Łaŭcevič.
Kamientary
Ja ŭpeŭnieny, što nichto hetym nie pierajmaŭsia, pryjšli dva kałchazany, paraźlivali atrutu "na voka", "iak zvyčajna", a ŭžo pravietryvańnie dyk i ŭvohule było pierakładziena na samich žylcoŭ. Nahladzieŭsia ja na pracu kamunalnych słužbaŭ u svaim ułasnym dvary, heta ŭvohule aniehdot. I ŭ tym vypadku, upeŭnieny, pracavali takija samyja "vajennapałonnyja" "sanitary".
Dziadźka toj viedaje, što z "sanitaraŭ" tych chren što spahoniš, a z kramaj - zusim inšaja sprava... Voś i ŭsia pryroda jahonych ćvieržańniaŭ.