Bujnuju litoŭskuju kampaniju, jakaja miełasia drukavać «pašparty Novaj Biełarusi», ułady Litvy pryznali nienadziejnaj
Departamient dziaržaŭnaj biaśpieki Litvy (VSD) pryznaŭ nienadziejnaj adnu z najbujniejšych kampanij «Garsų pasaulis», jakaja, siarod inšaha, drukavała litoŭskija pašparty i źbirałasia drukavać «pašparty Novaj Biełarusi». Raniej firmu padazravali ŭ supracoŭnictvie z režymam Łukašenki, piša Radyjo Svaboda.
Paśla rašeńnia Departamienta dziaržaŭnaj biaśpieki Litvy Centr persanalizacyi dakumientaŭ skasavaŭ kantrakt z kampanijaj na vytvorčaść pašpartoŭ.
Kiraŭnica MUS Litvy Ahnie Biłatajcie, reahujučy na rasśledavańnie litoŭskich žurnalistaŭ, apublikavanaje na 15min.lt ab mahčymych suviaziach pradstaŭnikoŭ «Garsų pasaulis» z režymam u Biełarusi, źviarnułasia ŭ VSD z prośbaj pravieści paŭtornuju acenku nadziejnaści kampanii.
«Paśla taho, jak VSD pryznaŭ kampaniju nienadziejnaj, Centar persanalizacyi dakumentaŭ pry Ministerstvie ŭnutranych spraŭ skasoŭvaje damovu z «Garsų pasaulis» na pradastaŭleńnie pasłuh», — havorycca ŭ zajavie ministerstva.
Raniej u tym liku Biełaruski rasśledavalnicki centr vyśvietliŭ, što litoŭskaja kampanija Garsų pasaulis, jakaja drukavała błanki dakumientaŭ dla hramadzian Litvy i była vybranaja dla druku «pašpartoŭ Novaj Biełarusi», źviazanaja ź firmaj GP Holographics i biełaruskim biznesoŭcam Viktaram Šaŭcovym, nabližanym da Łukašenki.
Garsų pasaulis raniej užo była ŭciahnutaja ŭ karupcyjnyja skandały ŭ Kyrhyzstanie, Demakratyčnaj Respublicy Konha i Małdovie. Ciapier pravierku ŭ dačynieńni da jaje viaduć adnačasova Słužba rasśledavańnia finansavych złačynstvaŭ i Departamient dziaržaŭnaj biaśpieki Litvy.
Z 2014 hoda kampanija Garsų pasaulis vyjhrała ŭsie try tendary na vyrab blankaŭ pašpartoŭ u Litvie, apošni — u 2022 hodzie, na sumu zvyš 30 miljonaŭ jeŭra.
-
Bolš za 13 tysiač minskich vypusknikoŭ sabrali na «Minsk-Arenie». Słuchali Lošu Śvika FOTY
-
«Nie bačyła nivodnaha smažanaha sabaku». Biełaruska raskazała, jak adpačyła ŭ Vjetnamie
-
Ad sačeńnia za top-mieniedžarami da pikantnych dram XIX stahodździa. Jak pracuje detektyŭnaje ahienctva «Reks» Alaksandra Azarava
Ciapier čytajuć
Ad sačeńnia za top-mieniedžarami da pikantnych dram XIX stahodździa. Jak pracuje detektyŭnaje ahienctva «Reks» Alaksandra Azarava6
Ad sačeńnia za top-mieniedžarami da pikantnych dram XIX stahodździa. Jak pracuje detektyŭnaje ahienctva «Reks» Alaksandra Azarava
Fiaduta rezka adkazaŭ Kaleśnikavaj: Za što vy zmahalisia ŭ 2020 hodzie, nie cikavić nikoha, akramia miadźviedziaŭ ź bierlinskaha zaaparka, jakija vas atačajuć4444
Kamientary
Ci pra fejki, prafanacyju i admyvałava tut nie da spadody pisać?
A kolki hrošaj na dyzajn zasvoili.. kolki intervju i Kavaleŭski, i Viačorka-małodšy na hetym razdali... jak hreli nadziaj aŭdytoryju...
I vo - pšyk. Niechta budzie adkazvać za ŭsich svaich daradcaŭ i kabinietčykaŭ?
Jość ža niechta, chto ich tudy pryznačyŭ i ŭziaŭ na siabie adkaznaść, praŭda?