Rada Jeŭropy zaklikała spraścić vizavy režym dla biełarusaŭ i nie patrabavać apastyli na dakumientach
Parłamienckaja asambleja Rady Jeŭropy apublikavała hajd dla vyrašeńnia prablem biełarusaŭ u vyhnańni.
PARIE apublikavała rekamiendacyi dla jeŭrapiejskich parłamientaryjaŭ z zaklikam pryniać miery pa spraščeńni žyćcia biełarusaŭ u vyhnańni.
Dakumient na 107 staronak «Luksiemburhskija rašeńni: vyniki i perśpiektyvy» apublikavany na biełaruskaj, anhlijskaj i francuzskaj movach.
PARIE vyłučyła šerah prapanoŭ pa prablemach, jakija najbolš chvalujuć biełarusaŭ, jakija pakinuli krainu. Tak, PARIE rekamienduje pašyryć vydaču humanitarnych viz svajakam palitviaźniaŭ, vydavać šmatrazovyja šenhienskija vizy rodnym biełarusaŭ, jakija źjechali, a taksama vydavać šmatrazovyja vizy tym biełarusam, jakija znachodziacca pad pahrozaj pieraśledu, ale zastajucca na radzimie. Kryteryi dla vyznačeńnia ludziej, jakim patrebna takaja viza, pavinien raspracavać Abjadnany pierachodny kabiniet.
PARIE zaklikaje krainy Jeŭropy zabiaśpiečyć biełarusam u vyhnańni doŭhaterminovuju lehalizacyju, a taksama vydavać biełarusam pašparty zamiežnikaŭ dla zabieśpiačeńnia ich prava na svabodnaje pieramiaščeńni pa Jeŭrasajuzie. Jość prapanova razhledzieć mahčymaść vydačy adzinaha prajaznoha dakumienta, jaki pryznajuć usie krainy Rady Jeŭropy.
Rada Jeŭropy taksama prapanuje raspracavać niejkaje pravavoje rašeńnie na vypadak, kali biełarusaŭ u vyhnańni stanuć pazbaŭlać hramadzianstva, i jany zastanucca biez sapraŭdnych dakumientaŭ.
Asambleja zaklikaje nie patrabavać ad biełarusaŭ dakumientaŭ, jakija možna atrymać tolki ŭ dziaržaŭnych orhanach Biełarusi — naprykład, daviedki ab niesudzimaści abo apastyli na dakumienty. Taksama ŭ dakumiencie jość zaklik nie ekstradavać biełarusaŭ z čyrvonaj kartkaj Interpoła, vydadzienaj na patrabavańnie režymu Łukašenki.
PARIE prosić ułady jeŭrapiejskich krain matyvavać banki nie dyskryminavać hramadzian Biełarusi — padzialać biełarusaŭ i režym Łukašenki.
Taksama ŭ dakumiencie jość prapanovy pa padtrymcy biełaruskaj kultury i adukacyi na biełaruskaj movie dla dziaciej emihrantaŭ, biełaruskamoŭnych vydaviectvaŭ i biełaruskich navukoŭcaŭ u vyhnańni.
Bolšaść hetych prapanoŭ byli vypracavanyja na kanfierencyi ŭ Luksiemburhu z udziełam pradstaŭnikoŭ PARIE i biełaruskich demakratyčnych sił u červieni.
Minskija ŭłady raskazali, jak buduć zmahacca z «akijanam aŭtamabilaŭ» u dvarach2
Kamientary