Zielankoŭskaja: Ź Michałkom nie kamunikujem, heta jaho rašeńnie. Navat ź dziećmi kamunikuju praź jaho novuju žonku
Viadomaja aktrysa, eks-zorka Kupałaŭskaha teatra Śviatłana Zielankoŭskaja ciapier žyvie ŭ Polščy. Jana pracuje ŭ kramie adzieńnia Reserved. U vialikaj hutarcy z «Našaj Nivaj» Śviatłana raskazała pra adnosiny ź dziećmi i z byłym mužam, Siarhiejem Michałkom.
Śviatłana Zielankoŭskaja. Fota: «Naša Niva»
Zielankoŭskaja i Michałok byli razam z 2008 hoda. U ich naradzilisia troje synoŭ. Taksama ŭ siamji rasła i starejšaja dačka Śviatłany ad pieršaha šlubu. U listapadzie 2022 hoda para raźviałasia, dzieci žyvuć z baćkam u Estonii — bo tam byli lepšyja ŭmovy.
«Naša Niva»: Jak časta vy ciapier bačyciesia ź dziećmi?
Śviatłana Zielankoŭskaja: [Starejšaja dačka] Aksińnia taksama žyvie ŭ Varšavie, raniej my navat razam zdymali kvateru, ale ciapier jana źjechałasia z chłopcam.
Małodšyja ž dzieci z baćkam u Estonii, u mianie atrymlivajecca pryblizna raz na paŭhoda da ich vyjazdžać, tamu što jašče ž treba sabrać hrošy na heta. Nu i z adpačynkam na pracy ŭ mianie jość limit, jaki ja mahu vykarystać.
Da mianie dzieci nie pryjazdžajuć, tamu što pakul u mianie niama takich umovaŭ, kab ich prymać. Ja žyvu ŭ maleńkim pakojčyku, kvateru dzialu z susiedziami — biełarusam i ŭkrainkaj. My pasiabravali ź imi.
Ajfon štodzień vydaje niejkija fotaŭspaminy, tamu što ja dziaciej vielmi šmat fatahrafavała. I ŭ mianie zaŭsiody ślozy padstupajuć: ja nie viedaju, što mnie zrabić, kab źmianić situacyju. Była dumka pajechać u Estoniju žyć, ale nie viedaju, dzie tam pracavać, dzie žyć, tam jašče bolš darahi ŭzrovień žyćcia.
«NN»: Pravilna razumieju, što ź Siarhiejem Michałkom vy zusim nie kamunikujecie?
SZ: Na žal, nie. Navat ź dziećmi ja kamunikuju praź jaho novuju žonku. Ci starejšy syn Makar dapamahaje: biehaje z telefonam za małodšymi. Chacia mnie padajecca, nakont dziaciej sa mnoj razmaŭlać musić Siarhiej, a nie jaho žonka. Mnie b chaciełasia, kab my vyrašali los dziaciej razam. Nam ža niama čaho dzialić, pačućciaŭ niama… Ale tut ja nie mahu paŭpłyvać, heta jaho rašeńnie.
Moža, jon baicca, što ja budu dziaciej adbirać… Ale ja ž nie adbiraju ich uvieś hety čas, ja prystasoŭvajusia da situacyi.
Minsk siońnia viečaram pahruziŭsia ŭ ciemru. Paśla zahadu Łukašenki48
Minsk siońnia viečaram pahruziŭsia ŭ ciemru. Paśla zahadu Łukašenki
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»3535
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»35
U Vieniesuele budzie nie prosta vyzvaleńnie palitviaźniaŭ, a amnistyja, pryčym za ŭsie hady. A miascovuju «amierykanku» pieratvorać u hramadskuju prastoru1717
Kamientary