U sacyjalnych sietkach dziaŭčaty pryznajucca, što vybrali sabie ŭ partniory maładoha čałavieka typu dedbod. Što ž heta za typaž taki novy modny?
Hety termin spałučaje słovy «dad» (baćka) i «body» (cieła). Jon uźnik u papularnaj kultury jak apisańnie ciełaskładu mužčyny ź siaredniestatystyčnym vyhladam, jaki nie imkniecca być atletyčnym, maje navat nievialički žyvocik, što časam asacyjujecca z rollu baćki abo siemjanina.
Jon dazvalaje sabie sport dla zadavalnieńnia, a nie dla reljefnych muskułaŭ i adstupaje ad pryncypaŭ zdarovaha ładu žyćcia biez pakut sumleńnia, spažyvajučy dastatkova rehularna piva i picu.
Upieršyniu hety termin staŭ papularnym prykładna ŭ 2015 hodzie paśla taho, jak studentka z ZŠA Makienzi Pirsan apublikavała ese pra toje, čamu dedbod staŭ papularnym i pryvabnym dla žančyn. Jaje tekst vyklikaŭ dyskusii i šyrokaje raspaŭsiudžańnie hetaha paniaćcia ŭ ŚMI.
U kulturnym płanie dedbod zvyčajna asacyjujecca z bolš rassłablenym padychodam da žyćcia i fizičnych formaŭ, i nie jość sinonimam niezdarovamu ładu žyćcia, a chutčej naturalnaści i prymańniu svajho cieła.
Dziaŭčaty tłumačać, što addajuć pieravahu dedbodam, bo nie pieražyvajuć za svaje ŭłasnyja niedaskanałaści pobač ź imi. Žančynam zdajecca, što partniory z bolš naturalnym vyhladam nie buduć ich asudžać, a naadvarot, padtrymajuć.
Dziaŭčaty adznačajuć, što mužčyny z takim ciełaskładam bolš dastupnyja ŭ sacyjalnym płanie, ź imi viesieła i kamfortna, jany lohka padtrymlivajuć razmovy, nie zacyklenyja na dyjetach abo treniroŭkach i hatovyja padzialicca picaj i vypić razam paśla ciažkaha tydnia.
Častka dziaŭčat upeŭniena, što dedbod — heta idealny varyjant dla siamji. Jon nie zacykleny na sabie, a značyć budzie bolš času pravodzić pobač. Heta asabliva važna, kali ŭ pary źjaviacca dzieci.
Ciapier čytajuć
Kačanava prapanavała ŭvieści adkaznaść za «niapraŭdu ŭ tyktoku»11
Kamientary
Ci ŭžo ŭsio - žyvot raście, a korań sochnie?