Adbyŭsia novy vybuch na naftabazie ŭ Fieadosii, jakaja haryć čaćviorty dzień
Na najbujniejšaj u Krymie naftabazie, jakaja haryć užo čaćviorty dzień paśla ŭdaru Uzbrojenych sił Ukrainy, adbyŭsia novy vybuch. Na apublikavanym videa, vidać, jak u vyniku vybuchu ŭ nieba padymajecca słup połymia.
Akupacyjny kiraŭnik Kryma Siarhiej Aksionaŭ nazvaŭ situacyju ŭ Fieadosii «vykidam haručych materyjałaŭ na adnym z terminałaŭ».
«Terminał akružany supracoŭnikami profilnych słužbaŭ, taksama na miescy znachodziacca ŭsie kiraŭniki. Trymaju situacyju na asabistym kantroli, kožnyja paŭhadziny atrymlivaju dakłady ź miesca zdareńnia pa videasuviazi», — napisaŭ jon u svaim telehram-kanale.
Pa jaho słovach, z-za vybuchu nibyta «zona evakuacyi nie pavialičvajecca». Miž tym z vakolic naftabavy napiaredadni vyvieźli bolš za 1100 miascovych žycharoŭ.
USU atakavali naftabazu ŭ Fieadosii ŭ dzień naradžeńnia Uładzimira Pucina 7 kastryčnika. Na joj pačaŭsia mocny pažar. Pavodle niekatorych źviestak, udar byŭ naniesieny amierykanskimi rakietami ATACMS. U sacsietkach tady źjavilisia fatahrafii z tryma słupami hustoha čornaha dymu. Haradskija ŭłady ŭviali režym technahiennaj nadzvyčajnaj situacyi municypalnaha charaktaru.
Ciapier čytajuć
Stała viadomaje imia druhoj biełaruski, jakaja zhinuła pad sielem u Niepale. Heta 24‑hadovaja Iryna z žurfaka BDU5
Stała viadomaje imia druhoj biełaruski, jakaja zhinuła pad sielem u Niepale. Heta 24‑hadovaja Iryna z žurfaka BDU
Elektronnuju «Biełaruskuju encykłapiedyju», stvoranuju jak prastoru «vierahodnych viedaŭ pra Biełaruś», cicha likvidavali razam z redakcyjaj. Kupu artykułaŭ pieradali Hihinu66
Kamientary