Premjer Słavakii namiaknuŭ na chutkaje zakančeńnie vajny va Ukrainie: naviny mahčymyja ŭžo zaŭtra
Fica čakaje «namioku» na pasiadžeńni Jeŭrapiejskaj rady ŭ Bruseli.
Słavacki premjer Robiert Fica ličyć vysokaj vierahodnaść chutkaha zakančeńnia vajny va Ukrainie, i namiaknuŭ na mahčymyja naviny pa hetym pytańni ŭžo zaŭtra, piša UNIAN.
«Imaviernaść zakančeńnia vajny va Ukrainie ŭ karotkaterminovaj pierśpiektyvie vysokaja, — skazaŭ Fica padčas vystupu ŭ parłamienckim kamitecie. — Ja čakaju zaŭtra niejkaha namioku, tamu što raptam paŭstała tema zaprašeńnia Ukrainy ŭ NATO».
Adnak jon zajaviŭ, što nie dumaje, što hetaje zaprašeńnie budzie «biaspłatnym».
Fica paŭtaryŭ, što Słavakija padtrymlivaje terytaryjalnuju cełasnaść Ukrainy i padkreśliŭ, što padtrymaje luby mirny płan, nakiravany na vyrašeńnie kanfliktu va Ukrainie, piša vydańnie.
Pavodle jaho słoŭ, nieabchodna zabycca, što rasijanie pakinuć Krym i inšyja terytoryi, naprykład, Danieck abo Łuhansk. Pavodle jaho słoŭ, rasijanie advajoŭvajuć usio bolš terytoryj, i jon padkreśliŭ, što kanflikt nie maje vajennaha rašeńnia.
Siońnia prezident Uładzimir Zialenski pradstaviŭ u Radzie svoj płan pieramohi. Jon składajecca ź piaci punktaŭ i troch sakretnych dadatkaŭ. Siarod ich, u pryvatnaści, nieadkładnaje zaprašeńnie ŭ NATA, praciah apieracyj USU ŭ Rasii. Taksama prapanujecca raźmiaścić va Ukrainie kompleksny niajadzierny stratehičny pakiet strymlivańnia, jaki pavinien być dastatkovym dla abarony ad luboj vajskovaj pahrozy z boku Rasii.
Kamientary