Uładzimir Zialenski vystupaje ŭ Viarchoŭnaj Radzie i pradstaŭlaje deputatam i hramadzianam płan pieramohi ŭ vajnie suprać Rasii, paviedamlaje UNIAN.
Padčas svajho vystupu Zialenski zajaviŭ, što płan pieramohi składajecca z 5 punktaŭ i troch sakretnych dadatkaŭ.
- Punkt 1 — hieapalityčny.
- Punkty 2 i 3 — vajennyja.
- Punkt 4 — ekanamičny.
- Punkt 5 — pytańnie biaśpieki.
Pavodle słoŭ prezidenta Ukrainy, kožnyja punkty kankretna adpaviadajuć času. Pieršyja čatyry ź ich adnosiacca da vajennaha času, a apošni — pa pytańni biaśpieki — adkazvaje za čas paśla zakančeńnia vajny, kab nie dapuścić paŭtornaha ŭvarvańnia.
U pieršym punkcie «hieapalityka» prapanujecca dasłać Ukrainie zaprašeńnie ŭ NATO.
«Fakt zaprašeńnia Ukrainy ŭ NATO moža stać sapraŭdy fundamientalnym miram. Bo členstva NATO heta pytańnie budučaha, a nie ciapierašniaha. Ale Pucin pavinien ubačyć, što jahonyja hieapalityčnyja raźliki źjaŭlajucca projhryšnymi», — zajaviŭ Zialenski.
Druhi punkt «Abarona» źmiaščaje vyrazny pieralik zbroi, jakaja zdolna padtrymlivać takuju siłu ŭkrainskich voinaŭ.
A dziakujučy Kurskaj apieracyi, sa słoŭ Zialenskaha, Ukraina ŭbačyła, što Uładzimir Pucin nie maje dastatkova sił, kab trymacca, kali USU «ciśnie».
Treci punkt «strymlivańnie» maje sakretny dadatak, jaki byŭ pieradadzieny ZŠA i lidaram niekatorych jeŭrapiejskich dziaržaŭ.
Akramia taho, Zialenski rastłumačyŭ, što dadatak atrymajuć jašče niekatoryja dziaržavy, jakija mohuć napoŭnić źmiest vielmi viadomaj «kancepcyi strymlivańnia».
Ukraina prapanuje raźmiaścić na svajoj ziamli kompleksny niajadzierny stratehičny pakiet strymlivańnia, jaki budzie dastatkovym dla abarony Ukrainy ad luboj vajskovaj pahrozy z boku Rasii.
«Kali Rasija viedaje, što adkaz budzie, i razumieje, jakim heta budzie adkaz, jany vybirajuć pieramovy i stabilnaje suisnavańnie. Navat sa stratehičnymi supiernikami. I my viedajem hetyja prykłady», — adznačyŭ prezident.
…
Na siońnia Ukraina pradstaviła płan pieramohi kiraŭnictvu Złučanych Štataŭ Amieryki, Vialikabrytanii, Hiermanii, Italii i Francyi.
-
Udar pa Zaparožžy: hareli damy, handlovy centr i najstarejšy korpus univiersiteta
-
Na froncie zahinuŭ suzasnavalnik UNA-UNSO i były palitviazień Kramla Mikoła Karpiuk
-
Try najbujniejšyja mietałurhičnyja zavody Ukrainy spynili pracu paśla rasijskich atak. Cełaja halina pramysłovaści akazałasia pad pahrozaj
Ciapier čytajuć
Masavyja aryšty aficeraŭ prajšli na avijabazie ŭ Mačuliščach — abvinavačvajuć u suviaziach z apazicyjaj43
Masavyja aryšty aficeraŭ prajšli na avijabazie ŭ Mačuliščach — abvinavačvajuć u suviaziach z apazicyjaj
Julijana Šamietaviec z «Kibierpartyzanaŭ» stała maci — raskazvaje pra dekretny adpačynak u ZŠA i toje, ci sapraŭdy možna sumiaščać pracu z maciarynstvam1818
Kamientary