Hałoŭnaha treniera futbolnaj zbornaj Kazachstana aštrafavali za niepavahu da kazachskaj movy
Hałoŭnaha treniera zbornaj Kazachstana rasijanina Stanisłava Čarčesava aštrafavali na 738,4 tys. tenhie (kala 1650 dalaraŭ) z-za jahonaj sproby pažartavać pra kazachskuju movu. Zrabili heta «ŭ ramkach etyčnaha rehłamientu».
Stanisłaŭ Čarčesaŭ 13 kastryčnika paśla projhryšu zbornaj Słavienii ŭ Lizie nacyj (0:1) adkazaŭ žurnalistu ŭ futbołcy kłuba «Pary Sien-Žermien», jaki zadaŭ pytańnie na kazachskaj, ci nie na francuzskaj jon havoryć.
Na hety incydent adreahavała Ministerstva turyzmu i sportu krainy, jakoje zapatrabavała tłumačeńniaŭ.
U Fiederacyi futboła Kazachstana patłumačyli, što heta, maŭlaŭ, byŭ žart, a Čarčesaŭ nibyta ź vialikaj pavahaj stavicca da kazachskaj movy i aktyŭna jaje vyvučaje. Tym nie mienš, štraf na jaho nakłali:
«Jość pamyłki, my tolki ŭčora pra heta havaryli z žurnalistami. Humar Čarčesava, viadoma, vychodzić za ramki. Ja asabista pierahavaryŭ ź im, patłumačyŭ aktualnaść i pryjarytet dziaržaŭnaj movy. My praviali ź im hutarku, pracu. Jamu vystaŭleny štraf», — skazaŭ kiraŭnik Kazachstanskaj fiederacyi futbołu Adlet Barmienkułaŭ.
Čarčesaŭ traplaje ŭ takuju situacyju ŭžo nie pieršy raz. U červieni na zadadzienaje na kazachskaj movie pytańnie jon prapanavaŭ adkazać pa-asiecinsku. Sam jon rodam z Paŭnočnaj Asiecii, a treniruje kazachstanskuju zbornuju z červienia.
Raniej jon byŭ viadomy jak futbalist, jaki ŭ 1990-ja hady źjaŭlaŭsia adnym z asnoŭnych hałkipieraŭ rasijskaj zbornaj. Paśla ŭ 2016-2021 hadach jon kiravaŭ zbornaj Rasii jak trenier.
Ciurkskija dziaržavy damovilisia pra adziny łacinski ałfavit. Ubaku tolki Kyrhyzstan
Niekalki krain byłoha SSSR samastojna zaćvierdziać nacyjanalnyja ałfavity na bazie ahulnaciurkskaha
Biełaruś zhulała ŭničyju ź Luksiemburham
Biełaruskaja futbolnaja «maładziožka» skončyła adboračny turnir da ČIE parazaj ad Farerskich astravoŭ
Ciapier čytajuć
Biełarus palacieŭ u Nicu praz Stambuł — ciapier jon u komie ŭ francuzskaj balnicy. Miascovyja miedyki rajać adklučać jaho6
Biełarus palacieŭ u Nicu praz Stambuł — ciapier jon u komie ŭ francuzskaj balnicy. Miascovyja miedyki rajać adklučać jaho
«U mianie tolki adna mara — viarnuć svajho Dzimku». Maci byłoha palitviaźnia Dźmitryja Hopty raskazvaje pra novuju biadu syna. I prosić zamaŭlać u jaje bolš tortaŭ, kab spravicca1010
Kamientary
Tłumačyć treba ...