Krainy Jeŭrasajuza taksama vystupajuć za terminovaje pryniaćcie novych praviłaŭ, nakiravanych na paskareńnie pracedury departacyi mihrantaŭ.
Lidary krain ES pa vynikach samitu pa mihracyi paćvierdzili svaju rašučaść zmahacca z vykarystańniem mihracyi ŭ palityčnych metach i abaraniać źniešnija miežy ES «usimi dastupnymi srodkami i z pavahaj da jeŭrapiejskaha i mižnarodnaha prava», havorycca ŭ pryśviečanym pytańniach mihracyi raździele dekłaracyi samitu ES, apublikavanaj 17 kastryčnika, piša Deutsche Welle.
«Rasija i Biełaruś, jak i lubyja inšyja krainy, nie pavinny złoŭžyvać našymi kaštoŭnaściami, uklučajučy prava na prytułak, i padryvać asnovy našaj demakratyi. Jeŭrapiejskaja rada vykazvaje svaju salidarnaść z Polščaj i ź dziaržavami-čalcami, jakija sutykajucca z hetymi vyklikami. Vyklučnyja situacyi patrabujuć adpaviednych mier. Jeŭrapiejski saviet paćviardžaje svaju rašučaść zabiaśpiečyć efiektyŭny kantrol źniešnich miežaŭ Sajuza ŭsimi dastupnymi srodkami, uklučajučy padtrymku Jeŭrapiejskaha Sajuza, u adpaviednaści z zakanadaŭstvam ES i mižnarodnym pravam. Jon znoŭ paćviardžaje svaju prychilnaść baraćbie ź instrumientalizacyjaj mihrantaŭ u palityčnych metach», — havorycca ŭ dekłaracyi.
Krainy Jeŭrasajuza taksama vystupajuć za terminovaje pryniaćcie novych praviłaŭ, nakiravanych na paskareńnie pracedury departacyi mihrantaŭ.
Kiraŭnik Jeŭrakamisii Ursuła fon der Lajen raniej abviaściła ab raspracoŭcy novaha zakonaprajekta, nakiravanaha na ŭzmacnieńnie žorstkaści isnych dyrektyŭ, a kancler Niamieččyny Ołaf Šolc padkreśliŭ, što «niezakonnaja mihracyja pavinna być skaročanaja».
Ciapier čytajuć
Mielnikava rychtavała svajo źniknieńnie i manipulavała atačeńniem. Pakul niajasna, ci dziejničała jana pa kamandzie ź Minska3
Kamientary