Na ścieny abnoŭlenaha stadyjona «Traktar» u Minsku nanieśli arnamient FOTAFAKT
Rekanstrukcyja staličnaj areny praktyčna zavieršana.
U Minsku zaviaršajecca rekanstrukcyja futbolnaha stadyjona «Traktar» na Vaniejeva. Jon raźmiaščajecca pobač z novym Nacyjanalnym stadyjonam.
Tak, u vonkavym afarmleńni stadyjona źjaviŭsia arnamient ź dziaržaŭnaha ściaha — raniej jaho na hetym miescy nie było. Hałoŭnuju trybunu aformili ŭ vyhladzie ahieńčykaŭ połymia. Praduhledzieli asobnyja miescy dla invalidaŭ i supravadžajučych.
Źmiaščalnaść stadyjona radykalna pamienšyli — z 17600 čałaviek da 8510. Niekalki trybun, u tym liku tyja, jakija znachodzilisia nasuprać hałoŭnaj, demantavali. Dla trenirovak zrabili dva mini-poli sa štučnym pakryćciom.
Taksama praviali poŭnuju pierapłaniroŭku padtrybunnych pamiaškańniaŭ, abnavili raspranalni. Budaŭnikam zastałosia zmantavać elektronnaje tabło, i abnoŭleny stadyjon budzie hatovy da praviadzieńnia futbolnych matčaŭ.
Kamientary