«Adzin raz prakałołasia, kali była maładoj staršynioj. Mnie kryčali, što niama ničoha śviatoha».
Niadaŭna byłaja staršynia CVK Lidzija Jarmošyna raskazvała, što datu vybaraŭ treba vyznačyć pa-stalinsku (i tady aptymalnyja miesiacy — sakavik i listapad). Adnak nastupnyja vybary ŭ Biełarusi projduć u studzieni. Tamu ciapier u tok-šou na STB Jarmošyna davodziła, što da Stalina možna nie prysłuchoŭvacca, bo «časy, kali my byli źviazanyja z umovami nadvorja, prajšli».
«Iosif Visaryjonavič havaryŭ — ci ŭ sakaviku, ci ŭ listapadzie. To-bok, kali niama zamarazkaŭ, kali koń na padvodzie dabiarecca da addalenych rajonaŭ Krasnadarskaha kraju. Tamu zima zusim nie padychodziła dla hetaha».
«My žyviom u viek vysokich technałohij, my mabilnyja, na transparcie. Tym bolš, my maleńkaja kraina», — dadała Jarmošyna.
U tym, što vybary pryznačany na studzień, jana bačyć plusy.
«Uvieś pieryjad pieradvybarčaj ahitacyi — heta jakraz kaniec śniežnia — studzień, studzieńskija śviaty. Dla kandydataŭ u prezidenty prosta całkam narmalnaje, spryjalnaje asiarodździe, kab pra siabie zajavić. Pryčym zajavić pazityŭna — heta ž śviaty. Kanikuły školnyja skončacca, nastaŭniki vyjduć. Aktyŭnaha pieryjadu adpačynkaŭ niama».
A paśla Jarmošyna zhadała pra svoj prakoł z vybaram daty vybaraŭ:
«Nas kaliści paprakali za toje, što (paśla ja kožny raz praličvała) adzin raz prakałołasia, kali była maładoj staršynioj. Druhi tur vybaraŭ miascovych kaliści trapiŭ na katalicki Vialikdzień. Mnie kryčali, što niama ničoha śviatoha».
U dalejšym, pa słovach Jarmošynaj, CVK prapanoŭvała takija daty, kab z carkoŭnymi śviatami nie supadała.
Ciapier, pierakanana byłaja staršynia CVK, «śpiekulavać zusim niama na čym».
«U kancy kancoŭ studenty nu vypjuć 25-ha [na Taćcianin dzień, jaki ličycca Dniom studenta], jany ž daterminova mohuć prahałasavać 21-ha», — dadała Jarmošyna.
Pamiłavanyja 15 čałaviek, siarod jakich 13 palitviaźniaŭ15
Pamiłavanyja 15 čałaviek, siarod jakich 13 palitviaźniaŭ
Najbujniejšaj u śviecie fan-supolnaściu Łedzi Hahi kiruje chłopiec ź Minska, jaki adsiedzieŭ za pratesty. Rasijanie paśpiašalisia zapisać jaho ŭ svaje1616
Kamientary